O DCM reinicia a súa andadura na tempada, para esta vez si, na segunda xornada, coller o rumbo apropiado, deixar unha boa imaxe, conseguir os 3 primeiros puntos, un fantástico resultado que contrarresta o 0-5 da primeira xornada e permite ó equipo non caer na preocupación e afrontar as vindeiras xornadas coa tranquilidade de que seguen sendo un equipo poderoso cando todos renden ó seu nivel e trabállase ó 100%.
A segunda xornada da competición deixou tranquilidade na parroquia Dcmista. Trala abultada derrota ante Parquets Eloy no debut, por 0 goles a 5, facía que un novo pinchazo puidese acender as alarmas. Aínda así, o equipo sabía que a derrota ante Parquets non era tan preocupante como o marcador semellaba, xa que o equipo traballara, pero ninguén individualmente estivo a súa altura e de ahí a vitoria rival.
No encontro de hoxe ante Ponte a Pintar, si que cabe destacar un por un a actuación dos 8 convocados. Todos cumpriron no seu posto á perfección e ahí conxugouse esta vitoria.
O partido iniciaría con sobresalto, xa que Jorge, o cancerbeiro, esquecera a súa equipaxe e tivese que voltar na súa procura, o que fixo que o equipo tivese que xogar durante 5 minutos sen él. Yago foi o substituto e ó igual que nos minutos que o substitúe nos adestramentos, hoxe tamén acabou imbatido.
Foron uns primeiros minutos de tanteo, onde os nosos preocupáronse máis de que o balón non chegase cerca da área propia que do ataque. Pero coa chegada de Jorge o pavillón e a súa entrada na portería o equipo foise asentando e comezaron a chegar as primeiras ocasións. Os minutos ían pasando, e semellaba que o DCM ó igual que na primeira xornada ía a estar negado de cara ó gol.
Pero mediada xa esta primeira metade, Quique, ausente no debut do equipo, ía a tirar un gran desmarque cara banda dereita, onde recibía un pase en profundidade de Vare, e o noso 9 resolvía para facer o primeiro gol do equipo esta tempada. 0-1. Unha xogada que é a que se pide continuamente ós nosos homes ofensivos, desmarque cara unha banda, onde os nósos defensas poden servir balóns con moita máis facilidade, e un gol que tranquilizaba un pouco ós dcmistas, que a partires de ahí levarían todavía un maior dominio do encontro.
De feito o equipo gozaría de moitas máis ocasións nesta primeira metade e apenas houbo achegamentos dun Ponte a Pintar bastante desdibuxado.
As máis claras nas botas de Yago, que erraría nun gran pase da morte de Pali dende a liña de fondo ó que o noso dianteiro non chegaba por centímetros, e Emi que disporía de varios mans a mans co porteiro, pero despois, tras un rexeite, o balón caíalle a Vare quen amagaba lanzamento pero entregaba o balón a Emi, quen servía en bandexa a Quique para que este fixera o 0-2.
Houbo máis chegadas dcmistas pero chegábase ó descanso con este marcador.
O equipo vencía e convencía. O rival apenas chegaba, Jorge cumplía sobradamente nas ocasións que tiña que intervir, Xmon, Pali e Vare mantiñan a orde en defensa, e arriba moita movilidade de Pani, Emi, Quique e Yago que facilitaba moitísimo o xogo do equipo e creaba moito perigo cara a meta rival.
A segunda parte máis do mesmo, pero desta vez o DCM ía buscar os seus ataques ó contragolpe, e así sería quen de matar o partido e levar ó marcador ata ese abultado 0-5, e que puideron ser moitos máis xa que tiráronse ata 3 balóns á madeira.
Ó igual que na primeira metade os goles tardaron algo en chegar pero logo entrarían un tras outro. Primeiro sería Yago quen recibía tras unha contra perfectamente levada por Emi, un balón para empuxar facendo o 0-3.
Intres despois nova contra con Emi e Yago saíndo dende atrás e agora sí, Emi atopaba o gol facendo o 0-4. E xa nos intres finais, un balón recuperado en campo propio era aberto por Pani en longo cara a carreira de Vare, quen servía no segundo pau para que Pani que acompañara a contra á perfección e coa convicción necesaria, empurrara ás redes para facer o 0-5 definitivo.
Partido de ensoño para os nosos que atopan así a primeira vitoria da tempada e agardemos que sexa a primeira de moitas máis.
É necesario hoxe nomear ó actual líder da 2ª división, o Real Club Celta de Vigo, para recordar que eles tamén perderon no debut ligueiro e levan xa 6 victorias consecutivas a partires de ahí (jeje).
A pensar xa no vindeiro encontro, ante un descoñecido, o Silvafresh, campión da 3ªD a tempada pasada e que venceu 1-5 no seu primeiro partido, o que sen máis datos, fai pensar nun rival moi compricado para os nósos.
Este partido podería levar consigo os primeiros minutos da nova fichaxe dcmista, que terá que ir adaptándose pouco a pouco ó xogo do equipo.
Despedímonos ata a vindeira semana cun cordial saúdo. Hala Celta e Forza DCM!
No hay comentarios:
Publicar un comentario