"Proba de Nivel" - Xornada 3 - DCM Vs Silvafresh

Moi boas queridos lectores, unha semana máis estamos aquí para informarvos do que vai a ser unha nova xornada na competición Vigo En Xogo. Nesta xornada xa por fin estreamos cartel da previa tras dúas semanas sen o deseño do mesmo, agardamos que sexa do seu gusto.

Esta semana o DCM terá unha importante proba de Nivel tras dous partidos que deixan a tódolos seareiros DCM'istas coas mesmas sensacións que cando empezou o campionato, e é que non saben ó que pode aspirar este equipo. Con qué cara do DCM nos temos que quedar? pregúntanse os afeccionados DCM'istas coa cara perdedora e pouco organizada da primeira xornada de liga, ou se cadra co plantel competitivo e moi serio en defensa que se puido observar na segunda xornada. Estes dous enfrontamentos deixan os números do DCM empatados a todo, a vitorias, derrotas, goles a favor e goles na contra. Neste partido quizais podamos comezar a ver cal vai ser a verdade cara deste DCM, e se como algúns din pode ser que comece a ter aspiracións da zona nobre da táboa.

Xa estamos na terceira xornada de competición e o DCM aínda non ten pechado o seu plantel, o "transfer" de Toño está facerse agardar, e xa van 3 xornadas nas que non pode participar por problemas burocráticos ós que o club non está a ser capaz de darlle solución. Polo demais para este partido Ratckovic Varela conta coa dúbida de Yago que non saberá se poderá asistir ó partido polos seus compromisos tenísticos. A baixa de Yago temos que sumarlle a de Chap que seguramente non volverá a participar no partido por mor das súas molestias nas costas, que aínda que lle permiten xogar teñen consecuencias moi graves para o xogador quen pasa duras semanas despois de xogar un partido. Polo demais parece que o resto do plantel estará a diposición do míster, isto é, Jorge baixo os paus, que agardemos non dea o susto da semana pasada cando esqueceu parte da súa equipaxe na casa, Vare, Xmon e Pali na defensa, e Emi, Pani e Quique na dianteira (máis a dúbida de Yago)

Enfronte terá ó Silvafresh, un rival do que coñecemos ben pouco. De momento está empatado cos nosos con 3 puntos, tras gañar o primeiro partido por un contundente 1-5 fronte ó Bar Lobis Home, e perder na segunda xornada fronte ó Cafetería Zeus no partido que se xogaba xusto despois do encontro do DCM. O ano pasado foi o campión da terceira división grupo "D" e ó igual que o DCM viste de azul. Polo tanto un rival cun bo historial e que de momento está mellor clasificado que o DCM grazas a súa golaveraxe (+1, por +0 do DCM).

Para afrontar este partido o DCM debe mostrar una actitude semellante a da derradeira xornada, cun compromiso defensivo moi forte e intentando buscar o gol nas ocasións que seguro que irán chegando. Falta por ver que tipo de partido proporá o Silvafresh, se lle deixará o balón ós nosos, cousa que non soen desprezar os xogadores do DCM, ou se ben prefiren levar o control do partido e o DCM terá que conformarse con xogar a contra, unha táctica que case sempre lle da bos resultados, salvo cando se encaixona demasiado atrás.

O partido volverá a ser a unha hora semellante a da primeira xornada, é dicir o Domingo pola mañá (11:00h), agardemos que non sexa un mal sinal, e no mesmo pavillón que nas dúas primeiras xornadas, o máxico pavillón do Monte da Mina.


Aliñación Probábel:

-------Jorge------

--Pali------Vare--

------Pani--------

-----Quique-------