Liga 2010/2011: Rumbo a...

Moi boas queridos lectores, outro ano máis nos atopamos aquí para informarvos do que vai a ser unha apaixonante temporada, nunha 2ª división grupo "B", no que a priori non hai ningún favorito para facerse co trofeo de campión de liga, ni ningún equipo que teña tódalas papeletas para optar ó descenso. E é que neste ano e segundo se nos informa na páxina do Wapichi United non hai ningún equipo que o ano pasado estivera na primeira división, e a maioría de equipos que forman esta categoría son recen ascendidos da terceira división.

Neste contexto o DCM aínda non ten claro del todo cal será o seu obxectivo, xa que gran parte dos rivais son uns absolutos descoñecidos para o club DCM'ista. Tan só os 7 equipos que repiten da temporada pasada na segunda división grupo "B" e o Cafetería Zeus (antigo Vanesma) e o Doble de Cordero sin Cebolla se enfrontaron ó noso equipo nun pasado. O que parece bastante claro e que a afección DCM'ista non vai a admitir que o equipo manteña o discurso da temporada pasada no que se apostaba pola permanencia, e polo menos esixirán mellorar a clasificación da temporada pasada onde finalmente o equipo quedou sétimo, tras unha segunda volta un pouco irregular onde o equipo terminou moi forte ó lograr pór en apuros ós equipos galos da categoría, e ó gañar na derradeira xornada ó Parquets Corcoba.

Para comezar esta temporada o Deportes Carlos Miguel, volverá repetir debut, xa que por segundo ano consecutivo xogará contra o Parquets Eloy na primeira xornada. O Parquets Eloy é un equipo que se lle está a dar moi mal ó equipo dirixido por Ratkovic Varela, xa que nos 3 enfrontamentos que houbo até o momento o equipo DCM'ista caeu en todos eles. O primeiro deles foi no torneo de campión de campións da temporada 2007/2008, onde os nosos coincidiron con Parquets na primeira eliminatoria e caeron ante eles nun polémico partido onde o árbitro e o seu mesa deixaron que o partido se interrompera continuamente e moitas veces eles mesmos eran os que provocaban as interrupcións. Porén non nos debe enganar isto, xa que os partidos entre ambos equipos son un exemplo de deportividade, e senón so hai que ver o partido de volta da pasada temporada onde o Parquets Eloy tirou até en dous ocasións o balón fora xa que un dos nosos estaba tirado no chan, a pesar de que en ambas ocasións o Eloy tiña a oportunidade de facer dúas perigosas contras.

De tódolos xeitos o Parquets Eloy destes dous últimos anos pouco terá que ver co deste ano, xa que dous dos seus membros marcháronse para o Galecoi polo que o equipo marelo tivo que facer algúns reforzos para pechar un plantel con tódalas garantías para poder loitar polo ascenso. Porén supoñemos que o estilo do Eloy non terá variado moito xa que se as nosas informacións non son incorrectas, o equipo contará co mesmo adestrador das últimas temporadas co que se conseguiu o ascenso a segunda división.

Para este partido o DCM non poderá contar con todo o seu plantel que por outra parte segue indefinido. Caese Chap que este ano tan só estará naqueles partidos onde sexa imprescindible xa que as súas costas non lle deixan practicar o deporte rei con comodidade, polo tanto até que mellore a súa situación o propio xogador comunicoulle ó club que prefire ser un cambio de urxencia. Tamén causará baixa Quique por atoparse de viaxe nesta fin de semana, e Toño ó que aínda non se lle tramitou a súa ficha e polo momento non se pode garantizar ó 100% a súa inclusión nesta temporada. Polo tanto o adestrador do DCM poderá contar para este partido con Jorge para a portería, con Xmon, Pali e Vare para a defensa, e con Yago, Emi e Pani para a zona ofensiva. A priori unha convocatoria bastante compensada con 1 cambio por zona.

O equipo chega a este partido tras facer unha boa pretemporada máis cargadas de partidos e de adestramentos que o habitual, e deixando bo sabor de boca en case todos, salvo no xogado contra o Galecoi en Balaídos e o disputado en Manuel Antonio ante o Inaute Electricidade, un equipo de superior categoría. Por tanto cargados de moral chegarán os nosos a este compromiso, onde o adestrador do equipo deixou caer que non van a agardar atrás ó rival e saír a contra, xa que nos enfrontamentos precedentes contra este equipo a fórmula non deu o resultado agardado.

O partido xa o saben, o Domingo ás 09:00h da mañá, un horario que complica a asistencia de seareiros a este primeiro partido de liga, pero que agardemos que supoña unha vitoria tempraneira para comezar a definir o rumbo que o DCM quere tomar nesta liga.

Aliñación Probábel.

------Jorge-------

-Vare------Pali---

------Pani--------

------Yago-------

Banco: Emi e Xmon.