O DCM xoga este sábado, contraprogramando ó Real Club Celta de Vigo, ás 20:00 h. Co cal pon en serias dificultades para poder ver ó equipo celeste ós 3 abonados do mesmo que hai no plantel DCM'ista. O DCM vai chegar a este partido segundo pola cola trala súa mala actuación no partido inaugural de liga contra a súa besta negra, o Parquets Eloy.
Nesta segunda xornada, o DCM tamén disputará un partido contra un equipo coñecido, xa que o Ponte a Pintar tamén estaba na segunda división, grupo "B", o ano pasado. O equipo dos pintores comezou moi ben a temporada manténdose en varias xornadas nos postos de ascenso, eso sí, cunha curiosa golaveraxe, xa que tanto os seus números de goles a favor, como os de goles en contra eran realmente avultados.
No último enfrontamento entre ambos equipos, o DCM conseguíu obter a vitoria, no que sería o comezco da decadencia do Ponte a Pintar na clasificación. Naquel partido o equipo DCM'ista utilizou a súa mellor arma, que non é outra que o contra-ataque. Aquel partido é un partido para analizar, sobre como defender. Ratckovic Varela plantexou unha defensa chea de axudas, o equipo moi metido atrás sempre tiña a dous xogadores presionando sobre o contrario que tiña o balón, o que facía moi complicado que chegasen os balóns a porta. Os poucos que chegaron foron repelidos ás veces por Jorge e incluso as veces por un defensa que se atopaba por detrás de gardamallas. Se a isto lle sumamos unha incrible eficacia e pegada de cara o gol, fan que o marcador definitivo fora o que foi, 5-1 a prol dos nosos.
Para este partido o equipo debe mellorar, e moito, a actitude presentada o pasado domingo contra o Parquets Eloy, debe saír con moitísima intensidade dende o minuto un, se non quere que aconteza o do fin de semana pasado, onde o equipo cando se quiso dar de conta, xa ía perdendo por 2 goles a 0. Ademais debe mellorar a preocupante pegada mostrada no partido, onde a puntería DCM'ista distou moito da mostrada nos adestramentos.
Para mellorar de cara a porta Ratkovic Varela vai poder contar con Quique, que estivo ausente a pasada xornada, pero ten a dúbida de Yago que non saberemos se poderá acudir até última hora. Con todo isto a convocatoria será a formada por Jorge, Pali, Vare, Xmon, Pani, Emi e Quique, e como diciamos a dúbida de Yago. Serán baixa Chap e Toño, este último pendente de Correos e Telégrafos de España para que finalmente chegue toda a documentación a cidade olívica e se lle poida tramitar a ficha.
Sen outro particular despedímonos xa, pedindo desculpas pola tardanza, e por non ter aínda deseñado o cartel das previas para esta temporada. O partido xa o saben ó sábado ás 20:00 h no máxico Monte da Mina.
Aliñación probábel:
------Jorge------
--Vare---Pali----
------Emi------
----Quique----
Banco: Xmon, Pani e Yago
No hay comentarios:
Publicar un comentario