“Suficiente” BarKubi 1-4 DCM

Un DCM necesitado de vitorias xogou un partido serio e decidíu vivir dos erros rivais. O equipo estivo lento e sen ideas ofensivas, sen xogar mellor que ante o Cocedero, pero hoxe o traballo en defensa foi suficiente para gañar o partido. A semana de descanso vivirase con máis tranquilidade con estes novos tres puntos.

A octava xornada de liga deparábamos un encontro ante un vello coñecido, o BarKubi, que esta tempada perdeu ó seu mellor home e está a atravesar momentos complicados na clasificación, aínda que todavía mantén no plantel a dous homes de calidade que poden sacar partidos adiante e saír dos últimos postos da táboa (ata o momento enfrontáronse principalmente a equipos da zona alta da clasificación).
Os nósos chegaban ó encontro moi necesitados de boas sensacións trala abultada derrota ante BarCocedero da última xornada e algo presionados pola prensa sensacionalista que semella antepoñer os seus intereses comerciais creando un excesivo alarmismo e tamén presionados por certos membros directivos do clube que parecen querer asumir máis protagonismo tras moito tempo na sombra aínda que sexa a costa dos intereses do clube, do equipo e sobretodo da afección .

Por sorte, o equipo soubo illarse de todo iso e arroupado por uns siareiros que responderon en masa nun momento vital da tempada sacou o partido adiante.
O encontro non foi sinxelo. O equipo semellou saír xeado ante as baixas temperaturas do pavillón e non daba carburado. Aínda así e a sabendas de que non se atopa no seu mellor momento nin de forma nin de xogo, soubo ter o partido controlado en todo momento. A sensación era que mantendo as posicións defensivas, os goles acabarían chegando. E así foi, tras uns primeiros dez minutos nos que o equipo estivo ben plantado atrás e que tentou combinar pero sen acerto en ataque, o gol chegaría tras un erro rival. O último home de Bar Kubi erraba no seu pase e o DCM montaba un dous para un con Pani e Yago como protagonistas para que este último fixese o primeiro gol da noite. 0-1.
O partido semellaba encarrilado, pero Bar Kubi non ía desesperar, e o DCM sabedor da necesidade destes tres puntos, decidía non arriscar nin un ápice a vantaxa conseguida e seguir traballando en defensa á espera dun novo erro rival.
A primeira metade remataría sen grandes ocasións para ambos equipos, cicáis máis chegadas por parte dos dcmistas que non eran quen de abrir máis distancia no electrónico.

A segunda metade foi máis do mesmo, aínda que o DCM cedeu máis protagonismo ó rival e pechouse atrás en busca das contras. Así, o pouco de reiniciarse o encontro, Yago faría un novo gol, 0-2 levando a tranquilidade á bancada.
Pero o rival non se rendía e tiraba de calidade para desbancar a defensa dcmista nunha gran xogada que convertían de tacón á espaldas da portería defendida por Jorge. 1-2.
Pero os nósos sabían da importancia destes tres puntos e mantendo a compostura foron quen de sentenciar o encontro con dous goles de Pani. O primeiro tras un pase longo de Pali que Pani recibía, o seu disparo era rexeitado polo gardamallas pero no rexeite Pani enviaba ó fondo das redes. 1-3. E o cuarto gol chegaría preto do final nun saque de esquina que de novo convertía Pani 1-4, aínda que o seu maior mérito na xogada estivo en osixenar a saída de balón dos defensas cun desmarque que permitía a Pali apoiarse co noso centrocampista, tirar a parede e sacar un corner que él mesmo sacaría cara o citado Pani.

Finalizaba así un encontro no que o DCM xogou moi lento pero serio e con poucos
riscos. 3 novos puntos que permiten seguir loitando por recurtar distancias.
Ó final do encontro seareiros e xogadores felicitábanse mutuamente, namentres algún dos directivos antes citados, non cesaban nas súas críticas ó equipo e especialmente ó seu máximo artilleiro ata o momento que onte non tivo fortuna de cara ó gol.

O equipo ten que recuperar tono físico urxentemente para poder aumetar o nivel de xogo das últimas semanas nas que os nósos non son quén nin de ofrecer desmarques en ataque nin de chegar con rapidez ás axudas defensivas.
A actitude e o compromiso mostrado polo equipo ante Acerón é o que ten que existir en cada partido para sacar adiante os encontros ante rivais de máis entidade. Hoxe o nivel foi suficiente para vencer a BarKubi, pero non o será nos vindeiros encontros.

Agora un fin de semana de descanso pola ponte festiva e despois enfrontamento ante un Bar Lobis Home do que o equipo sacou informes de que será un equipo moitísimo máis perigoso e complicado do que indica a táboa clasificatoria.

Agresividade Positiva. Bar Kubi Vs Deportes Carlos Miguel

Moi boas queridos lectores, esta xornada con un pouco máis de retraso do habitual, e aproveitando que o partido do DCM non se disputará ata ben entrada a tarde do domingo atopámonos aquí para comentarvos o que vai a ser a oitava xornada de Vigo en Xogo para o conxunto do Deportes Carlos Miguel.

O equipo dirixido ata este momento por Ratkovic Varela enfrontarase ante un vello coñecido dos nosos o Bar Kubi, equipo, que con diversas denominacións, veñen acompañando ós nosos dende a súa primeira temporada en Vigo En Xogo, ou o que é o mesmo este será o 9º enfrontamento entre ambos. Ben é certo que o Bar Kubi (Antigo Cafetería Bohemia, Cafetería Europa, Grupo Donno...) non chega no seu mellor momento xa que é o colista da segunda división grupo "B", con tan só un punto, o que conseguiu ante o último verdugo dos DCM'istas o temible e irregular Bar Cocedero La Piedra (3-3). Nos restantes 6 partidos apañou sendas derrotas, 1-3 contra o Cafetería Castelao, 6-3 contra o Wapichi United, 1-6 contra o Acerón, 0-2 fronte ó Bar Lobis Home e na última xornada 4-1 fronte ó Cafetería Zeus. Polo tanto parece que poucas semellanzas garda este Bar Kubi con de anos anteriores, onde os seus resultados pasaban por ser moito máis positivos. A composición do seu plantel é unha incógnita xa que incluso chegou a falarse dun posíbel traspaso do seu xogador número 13 ó Galecoi, que finalmente non sabemos si se produciu.

Pero se ben é certo que o Bar Kubi chega nun mal momento ó partido, o Deportes Carlos Miguel non chega nun momento moito mellor. O equipo dirixido por Ratkovic Varela chega a este encontro con menos aperturas clasificatorias que o seu rival, pero lonxe do seu obxectivo que este ano pasaba por loitar polo ascenso. Asemade as sensacións das últimas semanas son realmente negativas, xa que o equipo DCM'ista ven de encaixar unha dura derrota ante o Bar Cocedero La Piedra, un equipo que de momento non ocupa os postos altos da clasificación. Neste partido o DCM fixo mal case todo o que puido, e foi milagreiro non recibir unha goleada maior. Sistema defensivo pouco agresivo (e con agresivo non nos referimos a facer faltas, senón en termos de concentración, de anticiparse ós rivais), horrorosa circulación de balón, poucas ideas na saída da pelota dende atrás... é dicir todo o que se puido facer mal se fixo. Xa nos minutos iniciais o equipo rival mandou un balón ó pau e outro moi preto dos dominios de Jorge, e só a providencia e unha pasmosa efectividade permitíronlle ó DCM non descolgarse xa dende o minuto 1 do resultado do marcador, e recibir se é posíbel, un marcador aínda máis vergoñento.

Por se non fora suficiente co esperpento demostrado en Moledo, os xogadores do DCM non conformes, decidiron volver facer o ridículo este xoves no adestramento. É certo que a temperatura axudou a pouca intensidade do adestramento, pero tamén é certo que a temperatura era a mesma para o rival. Un horrible posicionamento en facetas defensivas, un gardamallas ó que se lle anquilosaron os seus movementos e un horroroso costume de intentar sacar balóns longos dende atrás sen éxito ningún protagonizaron o adestramento do equipo que agora representa as cores de Vigo. Polo tanto moito vai ter que cambiar a actitude do DCM este domingo se quere sacar algo positivo. Non caben escusas é unha boa hora para a práctica do fútbol sala e ademais e posíbel que o horario favoreza a presenza dos seareiros na grada da Mina, se aínda teñen algún folgo para ver a este equipo. O DCM deberá saír, como diría o sabio do fútbol o señor Azkalgorta, con agresividade positiva, cunha actitude proactiva, de anticiparse ós balóns, ós rivais e ós problemas.

Para esta non sinxela misión de troco de actitude e de tino, o adestrador DCM'ista volverá contar cunha convocatoria bastante xusta, xa que á baixa de Emi por lesión (a súa lesión nos isquios segue a cicatrizar) únese a de Xmon que acumula xa a súa terceira xornada de baixa consecutiva, desta vez por mor do o horario que lle impide volver en tren a Santiago de Compostela no mesmo día. Polo tanto os xogadores que participarán neste intento de redención serán Jorge para a portería, Vare, Pali e Chap para a defensa, Quique, Yago e Pani para as posicións defensivas. 7 xogadores para intentar trocar o signo da tendencia negativa. Veremos se todos melloran o seu rendemento respecto ó derradeiro partido e conseguen facer que o rival, como diría David Rodríguez, pague os pratos rotos da última derrota DCM'ista, e desta maneira conseguen darse unha cura de autoestima.

A cita xa o saben, o Domingo ás 20:00 h no pavillón do Máxico Monte da Mina, unha boa hora, para que tódolos seareiros DCM'istas se acerquen ata o pavillón lindante con Beade, e axuden coa súa presenza a o cambio de actitude que ten que mostrar o equipo nesta importante xornada, na que ten que demostrarse que aínda é aspirante ó ascenso ou polo menos a estar nos postos altos da táboa clasificatoria. O desenlace coma sempre o coñecerán da man de Lino. Un saúdo.

Aliñación Probábel:

-----Jorge------

-Vare-----Pali--

-----Pani------

---Quique-----

NOTA da Organización: Todos os participantes da competición "Vigo en Xogo" presentando a súa licenza terán un 10% de dto. e prezos especiais en todo tipo de celebracións na Cafetería A.V.C.D. Monte da Mina de Castrelos (Tel. 603 788 765).

Xornada 8 de Vai-á Porra

Estes son os partidos seleccionados para a oitava xornada de VAI-Á Porra 2010/2011

Bar Kubi Vs Deportes Carlos Miguel
Acerón Vs Frutas Nieves
Bar Cocedero La Piedra Vs Doble De Cordero Sin Cebolla

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

Na entrada de Abaixo tedes a clasificación actualizada.

Clasificación Xornada 7 de Vai-á Porra. Migui Novo Líder

Boa xornada en Vai-á Porra para Migui, Ceje e Quique. Migui grazas ó seu acerto exacto do resultado do partido entre o Doble de Cordero e o Acerón suma 6 puntos e colócase na dianteira da clasificación.

Pola súa banda Ceje, acertou o signo de tódolos partidos e ademáis os goles que marcaron dous equipos o que lle fai saír do faroliño vermello da clasificación e se acerca a zona media da clasificación.

Quique con 4 puntos consegue conservar o seu posto no pódio, posto que perde Jorge que pasa da segunda a cuarta plaza.

“Un gran BarCocedero vapulea ó DCM” DCM 3-10 BarCocederoLaPiedra

O único equipo da categoría capaz de xogar cun ritmo diferente ó resto, sorprendeu e recordou ó DCM cal é o seu verdadeiro nivel neste deporte.
Co recurso máis sinxelo, básico e efectivo do fútbol sala; as paredes (que moi poucos equipo saben empregar), o Cocedero superou unha e outra vez ós nósos que abraiados dende o primeiro minuto non souberon reaccionar.
Ó final, goleada que volve a internar ó equipo dcmista na espesura da zona morna da táboa e obrígalle a traballar duro para tentar ter outra nova oportunidade de estar entre os de arriba. Ata o de agora, cada vez que o equipo asomou a cabeza polos postos altos da clasificación sufriu un duro correctivo que o baixou de novo a posicións intermedias.


A sétima xornada de liga presentaba ó DCM unha nova oportunidade de instalarse cos mellores da liga. Para iso tería que gañar no pavillón de Moledo a un BarCocedero que non presentaba uns números que asustaran, e ante a falta de información de primeira mano, o DCM confiaba hoxe en sacar adiante este partido.
Pero dende o pitido inicial do Señor Arango, o Bar Cocedero arrollou ós nosos no campo. Unha, dúas, tres, catro… innumerables ocasións sucedíanse nos primeiros minutos a favor dos visitantes ante un DCM incapaz de reaccionar a un xogo ó que non está acostumado a ver nesta liga. O Cocedero non é o equipo prototipo da VigoEnXogo, e os nósos fabricáronse a sí mesmos para sobrevivir nesta competición, polo que onte, ante un rival diferente, que sorprendeu, o equipo foi incapaz de reaccionar.
Aínda así, e a pesar de que as sensancións no campo xa eran de asoballamento absoluto, o DCM ía a manterse no encontro durante moitos minutos. E é que adiantábase o equipo visitante nunha desas múltiples chegadas facendo o 0-1, pero nun zarpazo illado dun inspirado Quique ía a facer o 1-1. Duraría pouco xa que na xogada seguinte erro defensivo no despexe de Vare e 1-2 para o rival. De novo igualarían os nósos por mediación de Yago cunha falta lonxana 2-2.
Pero os zarpazos remataron ahí, ter un 100% de efectividade ante a portería rival é imposible e o DCM xa non marcarían máis goles antes do descanso. Pero sí Cocedero que seguía a crear contras nas que cunha sinxela parede superaban á defensa dcmista e plantábanse na área para facer un gol tras outro. 2-3, 2-4, 2-5 e 2-6 nesta primeira metade.

Pouco había que dicir. O regreso ó campo, deu un atisbo de esperanza á afección dcmista co 3-6 convertido de novo en acción persoal de Quique, pero ahí remataría o encontro dos nosos. Nesta segunda metade defenderon algo máis e crearon máis ocasións, pero erraron de cara a porta rival e o Cocedero aínda que xa non marcaba en tódolos seus aproximamentos si o facía nalgúns deles. Ademáis, Pali e Vare sumáronse á festa goleadora dos rivais con sendos goles en propia porta chegando así ó 3-10 definitivo.


Haberá opinións de tódolos gustos, pero para un servidor, o DCM xogou a un nivel similar ó que está amosar esta tempada, e ese nivel non chega para vencer a ParquetsEloy, a Wapichi e a BarCocedero. Pódese dicir que hoxe xogouse fatal e botar as mans á cabeza, mais para este redactor, os nosos dan case sempre un nivel similar no campo con fluctuacións positivas ou negativas, pero similar ó fin e ó cabo, e hoxe ese nivel foi moi inferior ó do rival. Isto tampouco significa que o BarCocedero sexa un equipo inalcanzable para o DCM, pero cicáis con outro tipo de plantexamento e con outra mentalización previa por parte dos nósos, que semellan acomodados co que están a facer e non se esixen máis en cada encontro.

Queda moita liga, e se o equipo quere, disporá de novo de oportunidades para engancharse á cabeza da clasificación, pero para iso haberá que poñer de novo o mono de traballo e loitar cada partido como unha final.

Reciban un cordial saúdo e boa semana para todos!

PD: Deixar constancia de que BarCocedero xoga de vermello ó igual que os nósos, polo que no partido de volta haberá que empregar a segunda equipación.

Na Procura da Confirmación. Deportes Carlos Miguel Vs Bar Cocedero La Piedra

Moi boas queridos lectores, unha semana máis atopámonos neste blog do Deportes Carlos Miguel para tratar de mantervos informados do que vai a ser o partido do DCM desta fin de semana. Pois ben esta vez o calendario nos depara un enfrontamento entre o DCM e o Bar Cocedero La Piedra. O escenario será o pavillón de Moledo, un pavillón que nos nosos non visitan dende a temporada 2008/2009. O pavillón situado preto do campo do Sárdoma caracterízase pola súa superficie abrasiva e pola posibilidade de quentar no exterior sempre que o tempo acompañe, o que non parece ser o caso para esta fin de semana.

O DCM buscará esta semana, confirmarse como un dos candidatos a estar na zona alta da táboa clasificatoria, xa que a pesar das súas dúas derrotas ocupa a terceira posición, empatado a puntos co segundo clasificado, segunda praza que da dereito ó ascenso directo. Precisamente dúas derrotas son tamén as que leva o Bar Cocedero La Piedra, que ocupa unha posición na táboa que pode resultar enganosa, xa que dende a xornada 2 non sabe o que é a derrota. O Bar Cocedero La Piedra comezou perdendo fronte ó Wapichi United (1-3) e fronte ó Acerón (6-5). Posteriormente nos seus partidos contra dous equipos que actualmente ocupan a zona baixa da clasificación, conseguiu dous empates (3-3 contra o Bar Kubi e 4-4 contra o Bar Lobis Home). Pero a gran sorpresa saltou a semana pasada cando o rival do DCM gañou con autoridade a un dos galos da categoría, o Cafetería Zeus, ó que lle gañou por 7-3. Polo tanto o DCM non sabe moi ben que tipo de rival se vai a atopar este fin de semana no terreo de Moledo, se o rival que non conseguiu vencer nas 4 primeiras xornadas, o se o rival que gañou con certa autoridade ó que era un dos primeiros clasificados do campionato.

O que está claro e que o DCM debe engadirlle aínda máis valor á vitoria fronte ó Acerón, outro dos galos neste comezo de temporada, cunha victoria fronte ó Bar Cocedero La Piedra, o que lle permitiría asentarse neses primeiros postos da clasificación. E é que aínda que o DCM ocupe agora o terceiro posto, a clasificación está moi apertada e unha derrota esta fin de semana, provocaría de seguro unha caída forte na táboa clasificatoria. Ademais o DCM conta co Hándicap de ter xogado un partido máis que os rivais cos que empata na clasificación (Parquets Eloy e Acerón) polo que ten menos marxe de erro que os seus rivais. Para gañar este partido o equipo branquivermello deberá saír moi concentrado ó terreo de xogo de Moledo, xa que este escenario foi lugar de moitos partidos nos que o DCM, en temporadas pasadas, saía mentalmente 10 minutos tarde ó terreo de xogo, e cando se quería dar de conta xa ía perdendo.

Para este partido Ratkovic Varela poderá contar con 7 xogadores do plantel. Jorge estará na portería, mentres que Xmon volve trala súa ausencia a semana pasada e xunto con Vare e Pali formaran nos postos defensivos. Na zona ofensiva do equipo volve Pani tralo seu proceso gripal que lle mantivo afastado dos terreos de xogo unha semana e tamén estarán Yago e Quique (este último con molestias no pe, o que non lle permitiu exercitarse con normalidade no adestramento do pasado xoves en Valadares). Son baixa polo tanto para este partido Emi que segue a recuperación da súa rotura fibrilar e Chap que tras xogar os seus primeiros minutos a pasada xornada volve a descansar para desta maneira non forzar unhas costas, que comezan a dar boas sinais de recuperación.

Xa para rematar e coma sempre, queremos facer un chamamento ós seareiros DCM'istas para que acudan ó partido desta fin se semana. Ata o momento o DCM conta por victorias tódolos partidos onde tivo afección, e por derrotas os partidos onde as gradas estaban valeiras. A cita xa o saben, a unha boa hora, o Sábado ás 17h e como diciamos no comezo da previa no pavillón de Moledo.

Aliñación Probábel

-----Jorge---------

--Vare------Pali---

------Pani--------

-----Yago-------

Banco: Quique e Xmon.

Xornada 7 de Vai-á Porra

Estes son os partidos seleccionados para a sétima xornada de VAI-Á Porra 2010/2011

Deportes Carlos Miguel Vs Bar Cocedero La Piedra
Doble de Cordero Sin Cebolla Vs Acerón
Frutas Nieves Vs Wapichi United

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

Na entrada de Abaixo tedes a clasificación actualizada.

Pésima xornada en Vai-á Porra. Clasificación Xornada 6

Case que ningún punto repartiuse esta xornada en Vai-á Porra. O motivo, que ninguén acertou o signo do partido entre o Bar Kubi e o Bar Lobis Home e que case que ninguén foi quen de acertar os outros dos signos. Só Orly acertou o signo do Cafetería Castelao e o Frutas Nieves, e tan só DCM#5 e Jorge (DCM) apostaron pola victoria do Deportes Carlos Miguel fronte ó Aceron.

A clasificación segue moi parecida a da semana pasada, coa diferenza de que Quique e Migui baixan un chanzo no pódium e agora ocupan a terceira posición.

Equipaxes Temporada 2010/11

Dende a xornada 6 desta temporada o DCM xa conta coa súa equipación oficial para esta temporada, que contén ás cores da bandeira de Vigo, neste ano no que celebramos o Bicentenario da nosa cidade.

Primeira Equipaxe (Luanvi)

Segunda Equipaxe (Luanvi)

Terceira Equipaxe (Luanvi)Primeira Equipaxe Gardamallas (Joma)
Segunda Equipaxe Gardamallas (Luanvi)
Chándal (Luanvi)

Co patrocinio de:

O DCM co Bicentenario

“O derby cae do lado Dcmista” Acerón 3-7 DCM

Por primeira vez na tempada o DCM sae victorioso dun enfrontamento directo cun dos galos da competición. Tralas abultadas derrotas ante Parquets Eloy e Wapichi United, un novo tropezo hoxe alonxaría moitísimo ó equipo da cabeza da clasificación, pero por fortuna o DCM acertou co plantexamento e puido levar os 3 puntos.


No ano da celebración do Bicentenario da cidade olívica, o noso equipo decidíu sumarse ós actos conmemorativos de tan fermoso evento e estreou hoxe a nova equipación da tempada que presenta as cores da bandeira de Vigo, o vermello e o branco.
A ocasión o merecía, un dos partidos máis agardados da tempada, o derby da deportividade, o derby ante Acerón que ademáis nesta ocasión ó igual que na 3ªdivisiónC tiña atractivo tamén pola boa posición clasificatoria de ambos equipos.

Os nósos chegaban ó encontro con importantes baixas, xa que a Emi e a Xmon uníase a de Pani con proceso gripal. Por fortuna Chape puido reaparecer nos terreos de xogo e cunha boa actuación.
O DCM plantexou un encontro rácano no xogo pero moi efectivo, baseado no traballo defensivo e na espera da inspiración dos seus homes de arriba e todo saíulle ben.
Aprendeu o equipo na súa última derrota ante o Acerón, que o equipo amarelo se ten espazos non perdoa, a por iso, os nósos cederon o peso da posesión ós rivais e agardaron no seu campo. Nestes primeiros intres o Acerón non estaba cómodo coa idea de ter que levar o peso do partido e apenas creaban perigo sobre a portería de Jorge. O DCM limitábase a agardar que os rivais perdesen o balón para saír un pouco do seu campo e crear as primeiras ocasións con disparos moi lonxanos pero que puñan a proba ó gardamallas rival.
E así chegarían os primeiros tantos dcmistas. Dúas xogadas totalmente illadas, de inspiración e mostra de calidade dos nosos dianteiros. Primeiro Quique de disparo potente e despois Yago tras unha xogada na que tivo que facelo todo el só, convertían o 0-1 e 0-2.
O Acerón semellaba noqueado, non atopaba a fórmula para atacar ó DCM e vía como o rival sen facer demasiado marchaba no marcador con dúas xenialidades illadas.
Pero nun dos escasos erros defensivos dos hoxe branquivermellos, Karr marchaba de Vare e outro atacante visitante gañaba as costas a Pali para tocar o suficiente e transformar o 1-2 antes do descanso que metía de novo ó Acerón no partido.

Pero tralo descanso, o DCM saíu moi metido e de novo un Quique tocado cunha variña máxica hoxe faría dous golazos que puñan o partido moi de cara para os visitantes; 1-3 e 1-4 e novo hattrick para o noso 9. Pero quedaban moitos minutos todavía, e Karr non ía desaproveitar as escasísimas ocasións que hoxe lles deixaron os homes dcmistas, moi pendentes del durante todo o partido.
Primeiro nun balón ás costas da defensa dcmista que aproveitaba moi ben tras un exceso de confianza de Vare e a media saída de Jorge, 2-4. E en poucos minutos, tras unha contra na que superaba a Pali e cruzaba perfectamente para facer o 3-4.
Non faltaba a súa cita co gol Karr e metía ó seu equipo de novo no partido. Pero de novo Quique ía a refrendar o seu magnífico día cun novo gol que mataba o partido 3-5. E é que de ahí ó final, o Acerón tivo que arriscar con porteiro-xogador e sufríu dos novos golazos dos Dcmistas dende propio campo. Primeiro Yago 3-6 e logo Quique 3-7 (que marcaba a súa particular manciña).

Remataba así o derby da deportividade, con tan só 7 faltas en todo o encontro (1 do Acerón durante todo o partido e 3 dos dcmistas en cada periodo)
O DCM sacaba 3 puntos de ouro, xa que unha derrota descolgaría moito ó equipo dos postos altos e levaría sen dúbida algo de pasotismo ó plantel, pero por fortuna, a estratexia de traballar en defensa e agardar a inspiración illada en ataque funcionou e o equipo volve a ter ansias de vitorias. Haberá que ver se lle duran nas vindeiras semanas.
O Acerón pola súa parte suma a primeira derrota da tempada, pero ten todavía un partido menos que os nósos polo que seguen nunha posición privilexiada.
Agardemos que ambos equipos poidan facer unha gran tempada.
Iso foi todo, tan só agradecer hoxe a súa presenza ós 3 afeccionados do equipo na bancada.

Reciban un cordial saúdo. Ata a vindeira semana.

Chega o Derby co Acerón como favorito. Acerón Vs Deportes Carlos Miguel

Moi boas queridos lectores, atopámonos hoxe aquí para facer a análise previa do que soe ser un dos partidos máis agardados polos xogadores e afección DCM'ista nos últimos anos, e ese non é outro que o derby que vai a enfrontar esta fin de semana en Bembrive ó Deportes Carlos Miguel co Acerón, un equipo que está a comezar dunha maneira espectacular este campionato.

Normalmente o DCM sempre chegaba a estes partidos por diante na clasificación, pero este ano, o DCM comezou moi dubitativo a temporada, con tres vitorias e dúas derrotas, e pola súa banda o Acerón, cun partido menos, conta por vitorias tódolos seus partidos xogados. Ó principio os analistas dicían que había que agardar para valorar o verdadeiro nivel do Acerón esta temporada, xa que se tiña enfrontado ante equipos que agora mesmo ocupan a zona baixa da táboa clasificatoria. Pero a pasada fin de semana gañáronse o título de aspirantes e favoritos ó ascenso, xa que foron os primeiros en gañar o Cafetería Zeus que polo de aquela ocupaba o liderado da táboa clasificatoria con 3 vitorias en un empate, o que colleitaran ante outro dos equipos fortes neste inicio de campionato e que goleou ós nosos a pasada semana, é dicir, o Wapichi United. O Acerón é terceiro cos mesmos puntos que o segundo e un menos que o líder, pero cun partido menos, polo que se lle pode considerar como o líder virtual desta categoría. Ademais se entramos a analizar os seus números goleadores tamén son moi positivos, leva 20 goles a favor en 4 partidos (é dicir 5 goles anotados por partido) e tan só 10 na contra (é dicir, a metade, 2,5 goles encaixados por partido).

O éxito deste equipo baséase nos pequenos axustes que se fixeron esta temporada con respecto a anterior, e que Lino nos comentará na súa crónica, pero tamén na base do equipo que leva xogando xuntos nas últimas temporadas, sempre cunha traxectoria ascendente. Normalmente comezaban non moi ben o campionato pero despois ían mellorando os seus números cando ía avanzando o campionato ligueiro. Fai dúas temporadas lograron o ascenso como terceiros despois dunha segunda volta impresionante, e o ano pasado despois de estar en postos de descenso na primeira volta, fixeron unha magnífica segunda volta o que lle permitiu salvar a categoría sen demasiados apuros.

Como diciamos, o Deportes Carlos Miguel acostumaba a chegar a estes partidos co cartel de favorito, xa que normalmente atopábase por diante na clasificación, pero este ano o favorito claro é o Acerón, xa que o DCM leva dúas derrotas por ningunha do Acerón, equipo que supera ós nosos a pesar de ter un partido menos. Se non temos mal a nosa base de datos (é dicir, a nosa memoria) o historial de enfrontamentos entre ambos equipos se salda con dúas vitorias do DCM (a obtida na primeira volta de fai dous anos, e na primeira volta do ano pasado), un empate (o obtido na segunda volta de fai dúas temporadas nun partido moi igualado, e no que o Acerón despois de errar unha clara oportunidade veu como lle empataban o partido), e unha derrota, moi contundente a que conseguiron na segunda volta da pasada temporada (6-3) nun partido onde desarboraron totalmente o equipo DCM'ista co seu estilo habitual.

E é que unha das virtudes do Acerón, e que sabe moi ben ó que xoga, é un equipo con moita seriedade defensiva e que sabe aproveitar moi ben a velocidade dos seus atacantes para coller fora de posición ó equipo rival. O DCM debe ter moi en conta isto, xa que non pode deixar que lle gañen unha e outra vez as costas como aconteceu no último precedente de enfrontamento entre ambos. Para iso será clave atacar dunha forma ordenada e sobretodo intentar adiantarse no marcador para poder xogar cunha maior calma. Ademais o equipo dirixido por Ratkovic Varela deberá recuperar parte da autoestima perdida por este titubeante inicio de temporada, e que nesta liga unha boa dinámica e a conseguinte confianza que isto reporta é clave para facer un bo campionato.

Para o partido desta fin de semana, o adestrador do DCM, contará con varias baixas, como son a de Emi, que sigue recuperándose da súa rotura fibrilar, a de Xmon que estará apoiando ó equipo máis representativo da cidade en terras castelás, e a dúbida de Yago que non saberemos se poderá acudir até o derradeiro intre. Pola súa contra o adestrador do DCM recupera a Chap, quen xa esta fin de semana volveu ós adestramentos e que podería disputar o seu primeiro partido de liga con certa normalidade, cubrindo así a baixa de Xmon. Polo tanto o adestrador do DCM contará cunha convocatoria de 6 ou 7 xogadores dependendo de si Yago finalmente poderá acudir ó partido. A convocatoria será a composta por Jorge na porta, Vare, Pali, Chap para a defensa, e Pani (aínda que está atravesando un proceso gripal, agardamos que se recupere), Quique e pode que Yago para a zona de ataque.

Dende aquí facemos un chamamento ós seareiros DCM'istas para que acudan ó pavillón de Bembrive esta fin de semana, xa que nos dous partidos onde non houbo nin un só seareiro, o equipo perdeu os seus encontros, poren cando a afección DCM'ista está nos gradarías o equipo móstrase moito máis forte e aínda non perdeu esta temporada. Polo tanto xa o saben a cita será o domingo no pavillón de Bembrive, un bonito derby onde non se sabe o que acontecerá, xa que, xa se sabe que nestes partidos todo pode acontecer. O importante e que sexa coma sempre o partido homenaxe ó xogo limpo, xa que entre os dous equipos suman 3 trofeos globais á deportividade nestes últimos 4 anos, sen dúbida un dos valores clave desta competición, e que fai que os partidos se disputen dunha maneira moito máis agradábel e entretida. Dende este foro un saúdo tamén a parroquia do Acerón. O domingo teremos a resolución do partido.

Aliñación Probábel:

-----Jorge-------

--Vare-----Pali--

-----Pani-------

----Quique-----

Xornada 6 de Vai-á Porra

Estes son os partidos seleccionados para a sexta xornada de VAI-Á Porra 2010/2011

Acerón Vs Deportes Carlos Miguel
Cafetería Castelao Vs Frutas Nieves
Bar Kubi Vs Bar Lobis Home

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

Na entrada de Abaixo tedes a clasificación actualizada.

Clasificación Xornada 5 de Vai-á Porra. Recúrtanse as distancias

Trala disputa da quinta xornada todo está máis apertado xa que os participantes que están na zona baixa da clasificación sumaron 2 puntos mentres que os de arriba, agás Migui, tan só conseguiron conquerir un punto.

Por segunda xornada consecutiva son moi poucos os puntos que se reparten, o que da mostra do igualada que está a liga, o que fai moi difícil acertar nos prognósticos.

“Non foi o día” DCM 2-6 Wapichi

O DCM desengánchase da cabeza do pelotón tras este tropezo ante un Wapichi que sabe ó que xoga e que conseguíu levar ó DCM ó seu terreo para despois gañarlle con autoridade.
Toca pasar páxina e centrarse na vindeira xornada na que de novo haberá partidazo ante un Acerón que pode enviar ós nósos á escura zona media da táboa da que é moi complicado saír.

Nova xornada de liga que deparaba un gran encontro, no que xa Xaime prevía que o vencedor do mesmo asaltaría o liderado da división e sen dúbida gañaría moitos boletos para manterse nos postos de honra ata final de tempada.
O vencedor foi Wapichi, que cuns números que asustan, convírtese en claro aspirante ó ascenso.
O DCM foi o vencido, e só lle queda traballar para recurtar diferenzas.

O partido, en contra do que pode parecer polo abultado do marcador, foi moi igualado durante moitos minutos, e o DCM foi por diante no marcador durante case todo o primeiro periodo.
Como prevíase, Wapichi saíu defendendo na súa cancha e deixando ó DCM o dominio do esférico. Os de Ratkovic Varela aceptaban o agasallo do balón pero non de moi boa gaña. Xogábase no campo do Wapichi pero sen perigo real para a súa portería.
O rival semellaba algo relaxado, deixaban recibir ós nósos que comezaban a soltarse, e nunha desas accións Quique recibía na frontal e conectaba un potente disparo que supuña o 1-0.
Mellor arranque imposible. Por delante no marcador e sen que o Wapichi levase perigo sobre a portería de Jor. Ademáis este resultado invitaba ó DCM a xogar con máis cautela e obrigaba ó Wapichi saír algo máis do seu campo.
Pero o Wapichi sabe ó que xoga e non se puxo nervioso. Con moita calma foise estirando, e o DCM non soubo xogar o partido. Nin decidíanse a atacar nin decidíanse a pecharse. Transcurrían os minutos e a cousa seguía pintando ben para os nósos.
Pero nunha falta moi lonxana, o dianteiro rival buscaba a portería con potente disparo directo e superaba a Jorge que laiábase do gol encaixado.
1-1 e o descanso estaba preto, pero Wapichi sen facer demasiado esforzo ía a atopar
unha nova ocasión e marcar un gol psicolóxico antes do tempo de refrixerio para facer o 1-2.

Todo por decidir na segunda metade que de novo comezaría ben para os intereses dcmistas, e é que nun saque de esquina botado por Vare e rematado por Quique, os nósos empataban de novo o partido. 2-2.
E cando o máis difícil parecía feito, o equipo descompúxose. O partido rachouse e Wapichi saíu beneficiado.
Pronto facía o 2-3. O DCM comezaba a entrarlle a ansiedade de non saber como atacar unha defensa posicional. As ocasións non chegaban e só nun disparo de Vare que petaba nun defensa levaron o Ui! á bancada.
Wapichi tiña o partido onde quería e non ía perdoar. 3 contragolpes e partido sentenciado co 2-6 final.

Pouco máis que engadir. O DCM venceu os seus partidos contra os equipos da zona media e baixa pero os enfrontamentos directos ante Parquets e Wapichi remataron en goleada na nosa contra.
As aspiracións quedan no aire. A pensar na vindeira xornada.
Un cordial saúdo e a polo Betis!

Asalto ó Liderado. Deportes Carlos Miguel Vs Wapichi United

Moi boas queridos lectores, atopámonos outra semana máis aquí para contarvos o que vai a ser unha apaixonante xornada de fútbol sala na segunda división grupo "B" de Vigo en Xogo. E é que os 4 primeiros clasificados enfróntanse entre si. Por unha banda está o partido que comentaremos a continuación que enfronta ó Deportes Carlos Miguel (3º) e ó Wapichi United (2º), e por outra banda o partido que enfronta ó Cafetería Zeus (1º) e ó Acerón (4º, pero cun partido menos, xa que de momento gañou os tres partidos que disputou). Polo tanto xornada que pode comezar a clarificar as aspiracións dalgúns dos equipos que queren estar na zona nobre da táboa clasificatoria. Dous deses equipos son recen ascendidos como o Wapichi e o Cafetería Zeus pero que están a protagonizar un inicio ligueiro tan sólido que optan a repetir ascenso. Os outros dous o DCM e o Acerón son equipos que ascenderon a pasada temporada e que buscan este no mellorar a clasificación do ano pasado. Cómpre salientar que o vindeiro partido do DCM será contra o Acerón polo que estas dúas xornadas poden ser claves no futuro do equipo adestrado por Ratkovic Varela.

Pero ben, pasemos xa a falar do que vai a ser o partido desta fin de semana. O rival co que se vai enfrontar o DCM non e outro que o Wapichi United terceiro clasificado o ano pasado na terceira división grupo C (fai dous anos noveno en cuarta). O equipo no seu debut na segunda categoría conta cuns números moi positivos xa que é segundo, empatado co líder, con 10 puntos ou o que é o mesmo 3 partidos gañados e 1 empatado. Partido que empatou precisamente co líder co cal empata a puntos. En canto a súa golaveraxe conta con 20 goles a prol (1 máis que o DCM, o que fai unha media de 5 goles por partido) e 11 encaixados (1 máis tamén que o DCM, o que implica unha media de 2,75 goles encaixados por partido). O seu máximo goleador, segundo os datos facilitados na súa páxina web, e o número 14 "Mera", que leva case a metade dos goles do seu equipo (9). Polo tanto moi bos números os do Wapichi United que busca nesta temporada o seu terceiro ascenso consecutivo.

Para tratar de dificultar ese obxectivo, diante estará un DCM, que tras o borrón da primeira xornada onde caeu goleado por 5-0 ante o Parquets Eloy, acumula 3 vitorias consecutivas, o que fai que os nosos puidesen remontar posicións e atópese instalado na terceira praza. Os DCM'istas levan unha xeira goleadora moi positiva xa que nos últimos 3 partidos acumula 19 goles a favor é dicir unha media superior á dos 6 goles por partido (6,33). E tamén fortaleceu ós seus números defensivos, aínda que na última xornada encaixara 4 goles, leva 5 goles encaixados nas 3 últimas xornadas (1,67 goles encaixados por partido). Polo tanto podemos dicir que o DCM atopábase en plena forma antes do parón ligueiro, e agora terá que demostrar que segue na mesma liña e intentar obter os 3 puntos ante o Wapichi United. As sensacións do adestramento desta semana son contraditorias, por unha banda nos deixa a preocupación de que o equipo acumulou 3 baixas (a de Emi por lesión, a de Yago por precaución e a de Pani) pero por outra banda nos deixa a boa nova de que a pesar de que o equipo chegaba son con 4 efectivos ó encontro (o equipo tivo que pedir cedido a un xogador do Galecoi) mostrouse como o equipo sólido e combativo que demostrou xa nalgúns momentos da súa historia e que normalmente fixo que o equipo, agora adestrado por Ratkovic Varela, obtivera bos réditos.

Para este partido o adestrador DCM'ista poderá contar seguro con Vare, Pali, Xmon, Pani e Quique. Jorge tamén estará no partido, pero cabe a posibilidade de que por mor dos seus compromisos estudantís chegue con certo retraso aínda que dende o club conta con que chegue a tempo para iniciar o encontro aínda que sexa con pouca carga de quecemento. A outra dúbida e Yago, en principio debería estar, pero esta semana tivo unhas molestias nunha das súas pernas o que pon algunha incertidume sobre a súa participación. Baixa segura e a de Emi que segue a recuperarse tralo último partido da súa rotura fibrilar e despois coma sempre está o caso de Chap que coma sempre está a disposición do club, aínda que sabemos que prefire de momento gardar repouso para fortalecer as súas costas e así evitar as molestias que lle están impedindo participar con normalidade.

O partido chega a un horario novidoso esta temporada, e é que os nosos xogarán o sábado ás 14:00 h, co cal evitan contraprogramar o Celta - Betis desta xornada. Agardemos que debuten co bo pé neste horario dominical e que os seareiros acudan ó partido, un bo aperitivo para a comida do sábado, e que non tódolos días se pode gozar dun enfrontamento entre o segundo e terceiro clasificado. A resolución a teremos este sábado ás 14:00 no máxico pavillón do Monte da Mina, onde veremos se por fin os nosos conseguen recuperar o balón que quedou atrapado na primeira xornada de liga.

Un saúdo, e agardemos que Lino poida contarnos unha vitoria DCM'ista.

Aliñación Inicial Probábel:

------Jorge-------

--Vare-----Pali---

------Pani--------

------Quique-----

Banco: Xmon, Yago e Chap.

Xornada 5 de Vai-á Porra

Estes son os partidos seleccionados para a quinta xornada de VAI-Á Porra 2010/2011

Deportes Carlos Miguel Vs Wapichi United
Cafetería Zeus Vs Acerón
Frutas Nieves Vs Silvafresh

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

Na entrada de Abaixo tedes a clasificación actualizada.

Clasificación Xornada 4 de Vai-á Porra. Máxima Igualdade

Empate total na cuarta xornada de Vai-á Porra. Nesta xornada todos os que participaron na porra da segunda división grupo "B", conseguiron un punto, e todos o conseguiron ó acertar o signo do partido Cafetería Castelao Vs DCM. Pero ninguén foi capaz de acertar os outros dous resultados (ambos concluiron en empate) nin tampouco os goles que marcaron o Cafetería Castelao ou o Deportes Carlos Miguel.

Por tanto despois de esta xornada todo sigue igual, Orly lidera a clasificación xeral, seguido de preto por Jorge e Quique, que ocupan os outros dous postos de pódio.

Pola súa banda dámoslle a benvida a Ceje que participa por primeira vez en Vai-á Porra, agardamos que se anime a seguir participando poñendo os seus prognósticos.