Ola a todos, hoxe nunha previa máis reducida do habitual por mor da época de exames vamos a comentar o que vai a ser o partido desta fin de semana para o Deportes Carlos Miguel.O rival do DCM será o todopoderoso Hannover, que chega ó partido coa aspiración de pechar o ascenso matemático nesta xornada, obxectivo que logrará se consegue gañar o seu partido desta fin de semana. Nada fai pensar que o DCM, un equipo que baixou os brazos da competición e que non está a saber gozar da tranquilidade e culminar o ano despregando un bo xogo favorecido pola falta da presión clasificatoria, poida ser quen de arruinarlle a festa ó líder da segunda división grupo "B".
O Hannover parece que vai chegar a este partido con todo o seu arsenal, o que supón unha seria ameaza para os nosos, que na primeira volta cando se quixeron espertar xa ían perdendo por 3-0. Os adestramentos co Hannover servíronlle ó DCM para comprobar a velocidade coa que este equipo é quen de mover o balón nas accións de ataque e a calidade dos disparos a porta. Polo tanto se o DCM quere ter algunha opción de puntuar neste partido deberá saír conectado ó 100% dende o inicio do partido.
Para este encontro Ratckovic Varela vai poder contar con todo o seu plantel ó completo agás Xmon que estará outra semana máis de baixa na capital galega. O Adestrador que se está a xogar a súa credibilidade nesta recta de fin de liga (cousa que non nos deixa de asombrar cando é un adestrador que en dous anos levou ó equipo a segunda división e consolidouno na categoría) terá que intentar construír un sistema defensivo-ofensivo que sexa quen de contrarrestar en todo o posible o caudal ofensivo do Hannover.
O partido xa o saben se disputará ó Domingo ás 09:00 horas no pavillón de Manuel Antonio, un partido no que o DCM tratará de quitarse o mal sabor de boca que deixou nos seareiros os últimos partidos, e intentará retrasar unha semana a festa do ascenso do Hannover, para facelo os nosos deben saír 100% motivados ante un rival que a vindeira temporada será de primeira división.
Aliñación probábel
------Jorge------
-Vare------Pali--
------Emi-------
------Yago------
Banco: Chap, Pani e Quique
No hay comentarios:
Publicar un comentario