Tras case un mes de parón por descansos e festivos o DCM regresou á competición para deixar unha imaxe de equipo "maliño" e permitíu que un rival case desauciado pasáralle por riba e levara os 3 puntos.Superado o periodo de adaptación á división, superado o medo de non estar á altura da competición e superado o perigo do descenso (tendo a permanencia no peto a falta de 5 xornadas), semellaba a situación perfecta para que o DCM acabase a tempada ó grande e mostrase a súa intención de codearse cos mellores a vindeira tempada.
Pero nada máis lonxe da realidade. Coma ven sendo habitual, a 2ªvolta dos nósos é para esquecer. O equipo perde esa intensidade competitiva dos primeiros encontros que lle levan sempre a cumprir os obxectivos, esquécese do seu xogo e acumula xornada tras xornada sen acadar victorias.
Hoxe ademáis o equipo rachou en defensa e ataque e convertíuse nun digno seguidor de Pepe Murcia, patadón e a competir.
Os rapaces xa cumpriron o obxectivo, non queda máis que aplaudir, pero tiñan ante sí a oportunidade de presentar unha candidatura para os postos máis altos na vindeira tempada, e están deixando pasar a ocasión, estanse empeñando en ser un equipo mediocre, un equipo da zona media da 2ª división. A oportunidade segue ahí, pode rematarse a tempada deixando unha gran imaxe xa que os rivais son propicios para iso, pór en apretos ós dous equipos que seguramente para o ano militen na máxima categoría da Vigo en Xogo, é todo un reto, e pode ser todo un premio para rematar unha tempada na que cumpríuse co esixido.
Pero para iso, hai que xogar tan ben coma sempre e sen cometer erros.
Hoxe xogouse mal e cometéronse moitos erros. Jorge non estivo fino no primeiro gol, Pali confiouse nun balón sinxelo que quixo deixar saír de banda no terceiro, Quique non acertou na forma elixida de querer axudar ó equipo e Vare e Emi tampouco foron quén de remar cara diante e mellorar en nada a imaxe do equipo. Completou a convocatoria un mancado pero entregado sempre co clube, Chape.
E o peor de todo é que por momentos tiveron ó Frutas Nieves entregado e contra as cordas, e é que o partido comezaría ben para os nósos, 0-2 nos primeiros minutos e con ocasións para rachar o marcador. Pero o partido trocou cando os rivais viron que o DCM deixáballes chegar arriba con certa facilidade, e é que os nósos pronto racháronse en dous, nin se defendía nin se atacaba en conxunto, e iso xa quedou claro moitas veces que acaba levando á derrota. Falta de forzas, falta de concentración... da igual o motivo, pero sempre que non defenden os 5 e non atacan polo menos 3... nunca conséguese nada, e iso foi o que ocurríu hoxe.
Houbo entrega, gañas e esforzo, iso non se lle pode negar a ninguén, pero foron malgastadas no senso equivocado.
O Frutas recurtou distancias antes do descanso co 1-2 e a pesares de que o partido complicábaselle de novo na 2ª metade cun penaltie en contra que significaba o 1-3, non se renderon, aproveitaron as ás que lles deu o DCM e acabaron levándose o encontro ó transofrmar un penaltie que significaba o 4-3.
O Frutas Nieves toma aire tras esta victoria (a primeira en toda a segunda volta) e loitará ata o final por quedarse nesta 2ª división aínda que non o terá sinxelo.
E os nósos a pensar xa na vindeira xornada. Recibirán ó líder da categoría, que amosoulles este xoves no adestramento que cando xogan ó 100% son moi superiores ós nósos, porén, no deporte, todo pode pasar.
Un cordial saúdo.
No hay comentarios:
Publicar un comentario