28 Días Máis Tarde Volve a Liga para o DCM

28 días tiveron que pasar para que volva a competición para o Deportes Carlos Miguel, xa que o equipo azulón tivo que descansar 3 fins de semana de maneira consecutiva, debido ás coincidencias do calendario. A fin de semana do 25 de Abril descansou por mor da expulsión da competición do Decoraciones Costas, o seguinte fin de semana pola festividade do día do traballo e do día da nai, e por último o pasado fin de semana porque regulamentariamente lle tocaba a súa xornada de descanso. Nestas 2 xornadas de liga na que o equipo descansou perdeu dúas posicións xa que observou como tanto A.C.P. como o Parquets Eloy lles superaban na táboa clasificatoria.

Nesta volta a competición o DCM terá que afrontar a recta final do campionato fronte a 4 rivais de moi diversa índole. En primeiro lugar recibirá a un Frutas Nieves que loita por escaparse dos postos de descenso, posteriormente recibe a Hannover e La Casita, co que o equipo DCM'ista pode converterse en Xuíz do campionato, e por último xogará contra ó Parquets Corcoba, partido no que seguramente ningún dos dous equipos se xogue nada.

Como ben dicimos, o primeiro rival co que vai a ter que enfrontarse o DCM non é outro que o Frutas Nieves, equipo que xa lle puxo moi complicadas ás cousas na primeira volta pero ó que o DCM conseguiu vencer por 4-2. Porén o Frutas Nieves chega nunhas circunstancias moi diferentes ás da primeira volta, o equipo fruteiro logrou facer unha primeira volta media que o situaba na metade da táboa e cun colchón de puntos importante respecto ós postos de descenso (tiña 11 puntos máis que o Acerón, equipo co cal está empatado a puntos nestes intres na táboa clasificatoria a pesar de que o Acerón ten un partido menos). Porén unha segunda volta catastrófica na cal o Frutas non foi quen de acadar nin unha soa victoria afundírono na clasificación e agora ten que intentar puntuar nos 3 partidos que lle restan para evitar caer na terceira división. Nembargante a papeleta é moi complicada para o equipo fruteiro xa que dos tres rivais que lle restan o máis asequible sen dúbida é o Deportes Carlos Miguel, xa que os outros dous rivais son o Hannover e a Casita, equipos que seguramente se estean a xogar o título. Polo tanto o Frutas Nieves sairá a dar ó máximo ó terreo de xogo para gañar ó DCM e agardar un tropezo do Acerón que lle permita rematar a xornada fora dos postos de descenso. O Frutas Nieves está a sufrir moitas baixas nos derradeiros partidos o que fai máis complicado o obxectivo de rematar a competición por riba dos 4 últimos postos.

Pola súa banda o DCM chega ó partido sabedor de que non se xoga demasiado, tan so quedar o mellor clasificado posible para presentar as credenciais para poder loitar por algo máis na vindeira temporada. O equipo dirixido por Ratckovic Varela intentará non acusar a inactividade e seguir mostrándose como un equipo compacto e ademais mostrar maiores folgos que nos últimos partidos de liga onde o equipo perdeu 4 puntos nos últimos intres, e onde deu a sensación de que ó equipo lle faltaba moitos puntos de ambición, que provocaban unha relaxación inaceptábel cando a escuadra situábase por diante no marcador. Esta semana, e despois de varias semanas de adestramento centradas no aspecto físico, o equipo de Ractkovic Varela volveu ós adestramentos baseados en amigábeis. Enfronte tiña ó mellor equipo da liga, o Hannover, o que unido a "oxidación" máis que evidente do equipo fixo que o comezo do adestramento fora un auténtico baño do equipo rival, porén co paso dos minutos, e grazas tamén a unha baixada de intensidade por parte do Hannover, conseguiu trenzar algunhas xogadas interesantes, e os xogadores deron mostras de volver a coller o ton da competición. Porén este adestramento de vital importancia para retomar o fío da competición, non foi de moita utilidade xa que dos 6 xogadores que estiveron no adestramento, 2 non poderán acudir esta fin de semana ó partido. Yago causará baixa por motivos laborais e Pani por compromisos familiares. Estas dúas baixas, unidas a de Xmon, farán que o equipo DCM'ista teña que afrontar este partido con 6 xogadores, dos cales Pali e Chap non asistiron ó adestramento por problemas físicos, e Quique, que si que acudiu, non atópase na plenitude das súas facultades.

Polo tanto partido moi complicado o que se lle presenta ó equipo dirixido por Varela, xa que enfronte atopará a un rival moi motivado xa que sabe que o derradeiro tren para a salvación pasa pola Mina o sábado ás 16:00 h, e polo tanto van a facer todo o posible para subirse a el. Enfronte estará un DCM que é toda unha incógnita, despois das 3 fines de semana de descanso e da mala imaxe que deixou sobre o terreo de xogo nos 4 últimos partidos nos que tan so foi quen de obter 2 puntos, é dicir sumou 2 derrotas e 2 empates. A capacidade de motivación do equipo está baixo o punto de mira duns seareiros que xa fai moito que lle deron ás costas ó DCM, xa que ó xa habitual aburrido estilo de xogo de equipo agora se lle suma que está na zona morna da táboa sen posibilidades de optar a nada, nin ó ascenso nin ó descenso.

O partido xa o saben, disputarase o Sábado no Monte da Mina, pavillón que os nosos fai moito que non visitan. Agardámoslles a todos o sábado ás 16:00.