“Na loita cos mellores” Dec.Jesús Cao 2-2 DCM

O DCM supera con nota o seu primeiro exame ante un dos equipos punteiros da división.
Os nósos puxeron contra as cordas a un dos candidatos ó título cunha primeira metade na que foron superiores tanto en defensa como en ataque, acadando un 0-2 ó seu favor.
Na segunda parte, o Dec.JesúsCao, volcouse cara a área dcmista e atopou nos disparos lonxanos a única forma de crear perigo. Dous deles acabaron no fondo das redes, o segundo a falta de escasos dous minutos para o final do encontro.
Davo foi o gran protagonista na primeira metade, anotando un fermoso golazo e participando na xogada do segundo (obra de Pani), e Jorge foi o máis destacado na segunda metade, con preto de media ducia de intervencións ante as acometidas do rival.
O resultado do encontro e sobretodo as boas sensacións permitirán ó DCM seguir soñando con loitar cos mellores da categoría no que resta de tempada. De momento tócalle descansar durante dúas fins de semanas antes de continuar coa parte máis dura do calendario.

Co regreso de Emi ós terreos de xogo tras unha xornada de baixa e coa única ausencia de Chape (ademáis da xa habitual de Yago) presentábase o DCM no pavillón do Calvario para medirse a un Dec.JesúsCao cun plantel moi reforzado esta tempada, con grandes xogadores e coa intención de loitar polo campionato. A arbitraxe correu a cargo de Moreno.

A primeira metade confirmou que o DCM é un equipo moi incómodo para calqueira rival. Un equipo que sen facer grandes alardes nin de físico nin de calidade, dificulta moito as cousas ós rivais con tan só a boa disposición dos nósos xogadores no campo, e tamén ó traballo e a entrega de todos eles neste inicio de campionato.

E así, o DCM conseguíu desesperar ó Dec.Jesús Cao na primeira metade. O rival, favorito na teoría, non era quen de dominar con claridade o encontro, e moito menos de crear ocasións de gol.

Os Dcmistas defendían con comodidade e daban máis sensación de perigo cando se achegaban á porta rival.

E as cousas melloraron moito para os nósos, cando Davo, recollía un balón en campo propio, avanzaba metros e ante a falta de presión dos rivais, disparaba sen oposición un traiazo dende ¾ de cancha que se coaba coma un mísil na porta rival. Golazo do xogador Dcmista que está a firmar un inicio de campionato estelar. Atópase moito máis integrado na dinámica de xogo do equipo, tras ter interiorizado a maior parte da idea de xogo, e está a ser fundamental a súa aportación tanto defensiva como a nivel ofensivo con goles cada xornada. 0-1.

Ese gol, propiciou os mellores minutos do DCM e os peores dun Dec.JesúsCao que non era quén de reaccionar.

Emi, que entraba a última hora na convocatoria e que volveu facilitar a saída de balón dende atrás e a posesión dcmista, tería unha gran ocasión que remataba no poste da portería rival.

O 0-2 chegaría tras outro balón ó longueiro, que Pani recollía e cun remate en escorzo enviaba ó fondo da portería. Importantísimo gol para os Dcmistas e de novo gran aportación tamén de Pani ó partido.

De ahí ó final do primeiro periodo, o DCM limitouse a manter a renda acadada sen demasiados apuros e a saír en contragolpes pero sen atopar porta.

Todo indicaba que na segunda parte, Dec.JesúsCao tiña que reaccionar. Dunha ou doutra maneira, tiñan que conseguir crear perigo sobre a meta de Jorge.

Non foron capaces de conseguilo nin en xogada, nin con regates, nin paredes, nin colocando un pivote… e iso levoulles a probar cun disparo lonxano, colocado, que sorprendía a Jorge, ó estar moi tapado pola maraña de homes que tiña diante. Foi o 1-2.

Ese gol trocou a forma de xogo do rival, quen vendo que non podían penetrar na defensa dcmista, observou que a única maneira de atopar porta era con disparos lonxanos.

Así, o seu home máis defensivo, un cierre con boa pegada, convertíuse na súa mellor arma, e tralo primeiro gol, continuamente armaba disparos contra a meta Dcmista.

Jorge respostaba a todos eles con sendas intervencións. Máis de media ducia de paradas realizou o cancerbeiro Dcmista, nun par delas, cos paus da súa portería como aliados.

A defensa Dcmista seguía evitando que o rival chegase preto de Jorge, pero cicáis o único erro dos nósos no encontro de onte foi non tapar un pouco máis os disparos dende media distancia.

Os nósos, tiveron tamén opcións para sentenciar o encontro en alomenos tres bos contragolpes. O máis claro, foi levado por Emi e que Pani a piques estivo de empurrar.

Pero a falta de 2 minutos para o remate, de novo nun disparo lonxano e cruzado, o DecJesúsCao lograba o empate, 2-2.

Un empate que non deixaba de todo contentos a ningún dos dous equipos, pero que tampouco ningún dos dous pode dar por malo.

Remataba así un fermoso partido nun bo ambiente entre ambos conxuntos.

Destacar de novo o traballo de cada un dos nosos xogadores. Hoxe xa destacamos na crónica a actuación de Davo, Jorge, Pani e Emi, pero tamén Vare e Xmon mostráronse, unha vez máis, moi firmes en defensa, e Pablo, que tivo que asumir esta vez un papel secundario, ante un rival que apenas lle deixaba entrar en contacto co balón, pero soubo facelo aportando desmarques, provocando moitas faltas ó nóso favor, e traballando en defensa.

O equipo, alcanza cos resultados desta xornada, a 5ª posición da táboa clasificatoria da 1ª División. Novo posto histórico para o DCM.

Agora a descansar dúas fins de semana e a regresar con máis forzas todavía. Noraboa equipo!

“Segue a boa xeira” DCM 5-3 Bar O Cruce

O DCM vence por terceiro encontro consecutivo grazas a ter cada xogador moi ben interiorizado o seu labor no xogo e o seu posicionamento no campo, grazas tamén a un gran traballo de desgaste físico e confiando na facilidade para desequilibrar un partido do seu pichichi; Pablo Santos.

Era un encontro sinalado como moi importante na axenda dcmista, xa que nas vindeiras tres semanas o equipo enfrontarase a tres dos mellores equipos da división. Pero trala vitoria de hoxe, chega a este duro tramo da competición moi ben situado na táboa, para loitar de ti a ti e sen presión ante os aspirantes ó título.

Debuta así o equipo no magnífico pavillón de Navia con vitoria e boas sensacións.

O partido púxose moi de cara para os Dcmistas, quenes saíron concentrados en defensa e aproveitaron o despiste inicial do rival que deu moitas facilidades defensivas. O 0-1 o anotaría Pablo a pracer tras un contragolpe perfectamente executado por Pani.

Empataría Bar O Cruce, nunha xogada chea de polémica, tras asubiar Moreno un tiro libre indirecto por cesión de Vare cara o seu porteiro Jorge que recollía coas mans. Decisión moi protestada polos Dcmistas xa que foi un mero rebote do esférico no xeonllo de Vare. O regulamento da Federación galega de fútbol sala di o seguinte:

Se concederá un tiro libre indirecto al equipo adversario si un guardameta toca el balón con las manos en su propia área penal después de que un jugador de su equipo se lo haya cedido con el pie.

Polo que lemos, semella que o colexiado non coñece ben este punto da normativa ou aplicou algunha outra.

O tiro libre indirecto foi transformado polo rival facendo o 1-1.

Por fortuna, Pablo respondía moi pronto a ese mazazo co 2-1 tras xogada individual. E pouco despois o 3-1, anotando o seu particular hattrick.

Tería entón o DCM outra ristra de moi boas oportunidades en sendos contragolpes para marchar no marcador, pero o propio Pablo nun par de ocasións, David e Chape non foron quen de transformalas.

Habería outra acción protestada a Moreno, ó asubiar outra cesión do DCM, esta vez cara os pes de Jorge, despois de que o equipo pasase a campo rival tras un saque de porta, e devolvese o balón ó seu cancerbeiro. Neste punto, semella que foron os Dcmistas os descoñecedores da normativa, xa que esta di:

• Se concederá un tiro libre indirecto al equipo adversario si un guardameta tras jugar el balón, lo vuelve a tocar en su propia mitad de la superficie de juego tras el pase voluntario de un compañero, sin que el balón haya sido jugado o tocado por un adversario

Polo tanto, como ben explicou Juanjo (árbitro asistente no encontro), para que o porteiro poida xogar outra vez o esférico no seu campo, ten que ter sido tocado éste por un adversario.

Antes do descanso, os irmáns Santos sí se entendían á perfección e Davo empurraba unha gran asistencia de Pablo. 4-1.

Tralo descanso tocoulle ó DCM traballar e moito defensivamente. Pani (tocado por unha gripe) fixo unha laboura encomiable nos repliegues, Davo e Pablo tampouco perderon a posición, Vare recuperou a súa mellor versión e xunto con Chape e Xmon estiveron bastante acertados en defensa, ata un erro en cadea no 4-2.

Pero de novo, Pablo devolvía a tranquilidade co 5-2 noutra acción individual sen aparente perigo para a meta rival. Era o cuarto gol para o xogador dcmista que remataba extenuado.

Desta vez, pouco durou a vantaxe, xa que Bar O Cruce anotaba o 5-3 tras un disparo lonxano e sinxelo que Jorge, nun exceso de confianza e medición, deixou pasar ó considerar que marchaba fóra. 

E tería máis emoción o encontro ó chegar o DCM ás 5 faltas acumulativas (ó noso entender nun exceso de rigurosidade do trencilla ó longo de todo o partido).

Por fortuna, Jorge refíxose do erro e detivo entón tres boas ocasións rivais para que o BarOCruce non se achegase máis no marcador. A última delas coa súa faciana.

Gran vitoria do equipo. Grandísimo traballo individual de cada un.

Agora a desfrutar os tres puntos, a recuperar a Emi e a pensar xa no vindeiro encontro, ante un Decoraciones Jesús Cao que marcha como líder en solitario e ten esta tempada, ó nóso entender, o mellor plantel da división, ó que o DCM tentará pór en moitísimos apretos. Imos DCM!!!

As fotos cortesía de Lúa:

https://picasaweb.google.com/102545914651497041447/05DCM_BarOCruce?authkey=Gv1sRgCIChkauE8d-oRA

E a páxina da normativa:

http://www.fgfs-vigo.com/

Deportes Carlos Miguel Vs Bar o Cruce

Moi boas itardes queridos lectores. 

Partido moi interesante o que nos agarda esta fin de semana entre o Deportes Carlos Miguel e o Bar o Cruce. Antes de comezar a analizar o partido, debemos destacar o escenario do encontro. Parece que por fin a organización de Vigo En Xogo conseguíu que o Concello lle cedese o novo e flamante pavillón de Navia, o segundo de maior capacidade da cidade olívica tras o emblemático pavillón central de As Travesas. 

Foto obtida en: http://www.celtabaloncesto.com/cebif2011/images/pavillon_navia.jpg

Neste pavillón de tan só 2 anos de antigüedade, xogaránse tódolos partidos da primeira división de Vigo en Xogo de fútbol sala. Dentro de esta división a hora reservada para o Deportes Carlos Miguel, é as 12 do mediodía unha moi boa hora para que a obsequiada afección do Deportes Carlos Miguel que cheou as gradas do pavillón do calvario a semana pasada, volva acompañar ós nosos na procura dunha nova vitoria.

O DCM chega a este partido tras encadenar dúas vitorias consecutivas, o que lle permitiu escalar dous postos na táboa clasificatoria até alcanzar a sexta posición na táboa. Esta posición de postos europeos se a equiparamos á Primeira División da Liga de Fútbol Provisional, fai que o DCM atópese na mellor clasificación da súa historia. Tras mellorar ostensiblemente os rexistros do comezo da temporada pasada o DCM quere gañar a un Bar o Cruce que cun partido menos tan só ten un punto menos que ós nosos, polo que será unha pedra de moi difíil no camiño, un camiño que se lle complicará moito sobre o papel ó equipo rosiña, xa que nas vindeiras xornadas terá que medirse ós primieros clasificados da táboa clasificatoria.

Esta e as vindeiras xornadas serán clave para saber que papel vai desenvolver o equipo neste campionato. O equipo ten que definir se como a temporada pasada o seu obxectivo será o de loitar pola salvación, ou se ben este ano quere intentar afianzarse na zona media-alta da táboa clasificatoria. 

Para este partido o DCM conta con dúas baixas, a baixa habitual de Yago, que non poderá acudir ó partido ó atoparse en terras catalanas por mor dos seus estudos, unirase a baixa de Emi, quen por mor dun cólico terá que ver o partido dende as bancadas. Dúas baixas sensibles na parcela ofensiva do equipo, á que hai que sumarlle unha dúbida até os derradeiros momentos, que é a de Pani aqueixado dun resfriado os servicios médicos son optimistas de cara a súa participación no partido, e agárdase que teña unha boa evolución na xornada do sábado. Unha baixa de Pani deixaría ó equipo cun so home habitual da parcela ofensiva, Pablo, co cal algún dos xogadores de posicións máis atrasadas tería que xogar adiante, é máis, aínda que Pani finalmente poida xogar o partido é próbabel que David, quen xa adiantou a súa posición na pasada xornada nalgúns intres, teña que axudar nas rotacións de ataque, o outro candidato sería Chapela. 

Polo tanto o DCM recibe ó Bar o Cruce cunha lista de convocados de 6 ou 7 xogadores, que serían, Jorge para a portería, Vare, Xmon, Chap e David para a defensa (aínda que estes dous últimos poderían alternar con posicións de ataque), Pablo e Pani (se este último logra recuperarse). Polo tanto vai ser moi importante a evolución de Pani para saber se o equipo pode contar cun maior respiro físico nas rotacións, e para saber se o equipo terá que facer un equipo moi centrado en contención intentando aproveitar as contras ou se ben poderá seguir unha tónica de xogo similar ó das últimas xornadas.

A resolución será mañá domingo, no pavillón de Navia ás 12:00 agardamos a todos e tódalas seareiras no pavillón alentando ós nosos.

A Crónica: BAR CLAVEL 1-4 DCM

Segunda vitoria consecutiva da tempada para un DCM que solventou o encontro nos primeiros vinte minutos e deixouse levar o resto de partido. De novo gran rendemento individual de todos os xogadores. Na segunda metade, a presión rival na saída do balón, sacou a relucir un problema que os nósos deberán solventar.

A cuarta xornada levaba ó DCM ó pavillón de Lavadores. Enfronte un equipo recén ascendido á categoría como 2º clasificado da 2ª División “B”, o Bar Clavel, antigo Birraleal.

Os nósos saíron moi metidos no partido. Neste principio de tempada, e a diferenza do pasado ano, o equipo está a mostrar bos automatismos en defensa, en gran parte dos homes máis adiantados do equipo; Emi, Pablo e onte Davo (nunha posición pouco habitual nel para cubrir a baixa de Pani), recuperan a posición moi rápido cando o esférico está en posesión do rival, e iso provoca que o rival teña grandes dificultades para levar perigo á meta de Jorge.

E cunha defensa sólida e ben plantada, as ocasións en ataque acaban chegando xa que o equipo ten xogadores con calidade e desequilibrantes.

E todo isto, resúltalle moito máis sinxelo ó DCM cando ten o marcador a favor, e iso producíuse onte, xa que pronto chegaba o 0-1 para os nósos. Sería tras unha parede de Vare con Pablo e gol do defensor Dcmista que abría a lata e a súa conta esta tempada.

Jorge estivo moi expeditivo e valente nun par de accións de moito perigo para desabaratar as mellores ocasións rivais desta primeira metade.

Chegaron despois os mellores minutos dos nósos, de novo baixo a batuta de Emi e Pablo. O propio Pablo lanzaría ó longueiro, Emi anotaría con clase o 0-2 tras un gran contragolpe de Davo, de novo Pablo dispuña dunha gran ocasión tras regatear ó porteiro e errar a portería baleiro. Tamén Xmon gozaría da súa ocasión tras incorporarse con moita intención ó segundo pau, e finalmente o 0-3 chegaría tras xogada individual de Pablo.

Nese momento o equipo relaxouse e cos deberes feitos dedicouse únicamente a manter a renda acadada.

O conseguíu e sen pasar demasiados apuros, xa que o equipo estivo ben defensivamente. Ademáis do xa comentado traballo dos homes ofensivos, Xmon estivo moi contundente e completou un gran encontro e Vare e Chape mostraron novamente unha gran regularidade. Jorge pola súa banda, estivo serenísimo e moi seguro baixo paus, transmitindo ó rival sensación de imbatibilidade.

Só sería avanzada xa a segunda metade cando o Bar Clavel poría o 1-3 no marcador tras un remate no segundo pau dende fóra da área tras un saque de esquina.

A pesares de non sufrir, o equipo mostrouse impotente para superar a presión rival nos saques de porta, e unha e outra vez regalaba o esférico ó contrario con longos saques de porta. Necesita mellorar e moito nesta faceta o equipo.

Aínda así, o DCM gozou dun dobre penalti errado por Emi, e finalmente nun contragolpe, Pablo entregaba para que Davo empurrara a pracer e anotase por segundo encontro consecutivo. 1-4.

Moi importante encontro o da vindeira semana ante Bar O Cruce, xa que despois chega a parte máis difícil do calendario. Dec. Jesús Cao (que ten un dos mellores planteis esta tempada), Hannover e Rincón de Poucho (antigo Novo Vidal 3º clasificado a tempada pasada). 

Imos!!!!!! 

As fotos do encontro: 

https://picasaweb.google.com/102545914651497041447/04BarClavelDCM?authuser=0&authkey=Gv1sRgCMfPxfXAxoy--wE&feat=directlink

“Primeira vitoria da tempada” DCM 5-3 UrbaOsCabazos

Unha versión Dcmista que achegouse moito ó nivel pretendido nesta tempada, venceu e convenceu nun encontro ante un rival con exceso de agresividade.

Tralo varapau da semana pasada, o DCM foi moito máis incisivo en atque nesta 3ª xornada de liga, e creou as suficientes ocasións de gol como para levarse os tres puntos.

Moi bo rendemento individual de cada xogador. Emi levou o peso do partido, Pablo desequilibrou nos momentos claves, David completou un gran encontro con gol incluido, e Pani, Chape, Xmon, Vare e Jorge completaron con boa nota as súas tarefas.

O único “pero” para os nósos estivo nos dous primeiros goles encaixados, xa que foron evitables. O primeiro nun disparo lonxano e o segundo cun remate sen oposición no segundo pau tras un despiste defensivo. O terceiro gol do rival, chegou con moita fortuna tras marchar o atacante de tres xogadores dcmistas con sendos rebotes e rexeitamentos.

Todo o demáis, aspectos a destacar dos nósos. Especialmente o comportamento do equipo, que conseguíu manter a calma e a cabeza moi fría ante un rival que buscaba o confrontamento en cada acción, con duras entradas e continuas protestas ó colexiado; un Benavides que estivo bastante acertado nas súas decisións pero permitíulles demasiado ós rivais, que só remataron con dous cartóns amarelos, o último tras unha durísima entrada a Emi que sufríu un forte golpe con visibles consecuencias nas súas costas.

Polo DCM marcaron, Emi tras un saque dende o curruncho, Davo tras acompañar fantásticamente un contraataque de Pablo, outros dous obra do propio Pablo (todos os goles de moi bella factura) e un máis en propia porta. 3-2 ó descanso e 5-3 final.

Toca pensar xa no vindeiro partido. Gran traballo equipo!

DCM - Urba La Galia. Domingo 14:00 en Bembrive

Moi bo día queridos lectores.

Este domingo terá lugar o encontro que disputarán o Deportes Carlos Miguel FS e o Urba La Galia. Ambos equipos chegan ó partido sen ser quen de obter a vitoria nas dúas primeiras xornadas do campionato. Poren o punto obtido na primeira xornada permite que o DCM chegue por diante na táboa clasificatoria, onde ocupa o oitavo posto.

O DCM terá neste partido que demostrar que este ano non ten a intención de pasar as penurias clasificatorias que pasou a primeira temporada na máxima categoría do fútbol sala da competición. Se ben no primeiro partido o equipo deu unha boa imaxe ante un equipo que lle tiña superado na temporada anterior, no segundo partido ó equipo se lle botou en falta, como ben mencionou Lino, un pouco máis de mordente, xa que se é certo que o nivel defensivo do equipo foi bo durante boa parte do partido e que o equipo gozou do balón, tamén o é que o equipo xerou demasiadas poucas ocasións de gol claras para a cantidade de minutos que tivo o balón. A pesares deste tropezo o equipo segue a mostrarse como un bloque sólido que quere millorar a clasificación obtida o ano pasado, onde tras una mala primeira volta o equipo creceuse na segunda.

Para este partido o DCM non poderá contar con todo o seu equipo ó completo, xa que terá unha sensíbel baixa na dianteira, onde Yago non poderá estar xa que se atopa en terras catalanas, onde estase a formar como fisoterapeuta. Con todo isto o equipo contará con Jorge para a portería, con Vare, Xmon, David e Chap na defensa, e Emi, Pani e Pablo para os postos máis adiantados.

O partido xogarase no pavillón de Bembrive, ás 14:00, unha hora perfecta para gozar dun ameno aperitivo previo a comida dominical, xa o saben non o poden perder, e máis se son unha das seareiras que están a espera do seu agasallo.

Reciban un agarimoso saudo.

Xaime Estévez.

Un DCM sen mordente sufre a primeira derrota da tempada DCM 1-2 T.Cahersa

Un DCM superior en número de xogadores, xuventude, gañas e afección, mostrouse impotente ante un rival que con tan só un troco e que rematou por debaixo dos nósos na clasificación da pasada tempada deu un duro varapau ó equipo rosiña.

Os nósos deben repoñerse e saír reforzados deste duro golpe.

O encontro pertencente á 2ªxornada do campionato desputado no pavillón de Bembrive, e coa arbitraxe de Juanjo, conseguíu reunir ó plantel Dcmista ó completo.

O DCM tivo o control do esférico durante todos os minutos, pero non o control do partido. Talleres Caherse deixaba xogar ó DCM e cunha defensa ben plantada, convertíu ós nósos nun equipo inoperante en ataque. Apenas tres ocasións rosiñas na primeira metade. Unha boa contra de Emi que servía cara Pani e a piques estaba este de conectar o remate, e unha falta de Yago que repelía o cancerbeiro rival o máis destacado. Jorge tampouco tivo moito traballo, pero nos intres finais do primeiro periodo, un erro na saída do balón Dcmista, daba unha ocasión ó Cahersa que non a desaproveitaba cun disparo á rede superior da portería. 0-1.

Na segunda metade máis do mesmo. Pronto chegaba o 0-2 nunha xogada na que os nósos puideron facer algo máis defensivamente. E a partires de ahí, a tentar penetrar na defensa rival, pero sen conseguilo. De feito o rival puido ampliar diferenzas tras gozar de varios mans a mans con Jorge. 

Só nos instantes finais, nunha presión, Vare recuperaba e servía para que Pablo fixese o 1-2. 

O equipo traballou dende o primeiro ó último instante, pero faltoulle mordente. Debe corrixir iso e pensar xa no seguinte encontro.

AS FOTOS DO PARTIDO:
 https://picasaweb.google.com/102545914651497041447/02TalleresCahersaDCM02?authuser=0&authkey=Gv1sRgCOfu44TOyrDX5gE&feat=directlink#

DCM 2-2 SihoFs

O DCM inicia a tempada cun empate nun encontro sen dono, con moitísimas ocasións de gol e que calqueira puido vencer.

Os nósos cometeron erros tanto na finalización na porta rival como na defensa dos goles encaixados, pero amosaron unha grandísima actitude e esforzáronse ó máximo en cada acción, o que permitíu sumar este primeiro punto.

Na primeira metade a pesares das moitas ocasións, o primeiro gol non chegaría ata os intres finais do periodo. Pablo retorcíase nun vistoso escorzo para chegar a un balón dividido e dende o chan sacaba unha asistencia de ouro cara o desmarque de Pani que estirábase para tocar o xustiño coa punteira o esférico para superar a saída do porteiro por baixo das súas pernas. 1-0 e descanso.

As sensacións eran boas, por diante no marcador e a pesares do igualado do encontro, a primeira metade tivo un pouco máis de control por parte dos dcmistas.

Pero o segundo tempo isto trocou, e o peso das ocasións desequilibrouse un pouco cara o lado do SihoFs (antigo Mazda), que semellaba aguantar mellor físicamente o paso dos minutos cos Dcmistas (ambos equipos cun só troco).

Pronto empataban o encontro tras un saque de esquina e un barullo na área de Jorge, que tivo hoxe moito traballo e resolveuno con grandes intervencións e algo de fortuna cos paus da súa porta. 1-1.

Respostou moi pronto o DCM cun fermosísimo gol. Roubo de Vare en campo contrario na saída do rival, magnífica asistencia de Emi cara o bigoleador Pani que cun acrobático remate empurraba o fondo das redes. Golazo. 2-1.

E mediada a segunda parte e tras varios balóns á madeira empataría o SihoFs. 2-2.

De ahí ó final ocasións claras para ambos conxuntos que chegaron ós intres finais coa amenaza de dobre penalti por parte dun disctudo Muñiz e non lles quedou máis remedio que conformarse co resultado.

Primeiro punto Dcmista que mellora o inicio do ano pasado e ante un dos rivais que lle venceu nos dous encontros da tempada anterior.

Noraboa polo esforzo Jorge, Chape, Vare, Emi, Pablo e Pani, a seguir así! 

Os rivais da tempada 2012-2013

Este é o calendario do DCM (10º clasificado a tempada pasada con 40 puntos) e os datos que coñecemos dos rivais:

Siho FS (Antigo Mazda Fs 7º clasificado)

Talleres Cahersa (11º clasificado con 35 puntos)

Urba-La Galia (12º clasificado con 29 puntos)

Bar Clavel (sen datos; a temporada pasada era o segundo patrocinador do Heladería Venencia 2ªB)

Bar o Cruce (8º clasificado con 43 puntos)

Dec.Jesús Cao (6º clasificado con 50 puntos)

Distribuciones Rivas Hannover (2º clasificado con 69 puntos)

El Rincón de Poucho (Antigo Novo Vidal 3º clasificado)

Flipper/Sarayka (9º clasificado con 41 puntos)

Matamá VelArte (1º clasificado con 71 puntos)

Moho Europecis (Ascendido de 2ªA como 1º de grupo con 70 puntos)

Parquets Eloy (5º clasificado con 51 puntos)

Piedrajoya (4º clasificado con 54 puntos)

San Xoan/Pescadería Rocío (Ascendido de 2ªB como 1º de grupo con 62 puntos)

Conta atrás para o inicio da competición

A pouco máis dunha semana para que o balón comece a rodar, o DCM ultima a súa posta a punto.

O clube tenta pechar un último partido amigábel para esta semana, pero a escaseza de ocos libres nos pavillóns dificulta o trámite.

Con ese encontro quedaría completado o planning realizado pola parcela deportiva do equipo para esta pretempada. A vindeira semana (previa ó inicio da liga), quedaría libre de compromisos para os nósos xogadores, evitando riscos de lesións e facendo que os nósos céntrense xa de cheo no encontro da fin de semana.

Estes encontros de preparación deixaron luces e sombras. O equipo cosechou moi bos resultados (rematou invicto), pero mostrou grandes carencias físicas, o que impedíu poder traballar en aspectos tácticos e técnicos, servindo tan só os partidos para coller ritmo de xogo.

Así pois, a poucos días do comezo da competición, descoñecemos se o nivel do equipo será suficiente para loitar polo ambicioso obxectivo que manexa a directiva e a afección; estar loitando preto dos cinco mellores da liga.

Para iso, o equipo necesita principiar moi enchufado nas primeiras xornadas, e engancharse xa ó vagón de cabeza da táboa. En caso contrario, de chegar varios resultados negativos, os nósos corren o risco de perder aspiracións e comezar a deixarse levar, situación que sería moi perigosa.

Por iso, debemos comezar a mentalizar xa ós nósos xogadores do preto que está o inicio da competición, e da importancia de que cheguen concentrados, concienciados da importancia de acadar bos resultados no inicio da liga e con moitas, moitísimas gañas de traballar por e para o equipo. Só con esas gañas podemos asegurar que o noso plantel terá o nivel suficiente para acadar resultados.

Tamén sinalan dende o clube a necesidade de recordar que calqueira obxectivo deportivo debe acadarse dende a defensa do título de campións da deportividade, algo innegociable na historia deste equipo.

Agardamos ter novas dende a organización nos vindeiros días. Recollida de fichas, calendarios, rivais e horario… estaremos atentos para informarvos dende este blog e dende o noso twitter @dcmvigo.

Quecendo motores! Isto está a piques de principiar!

O Plantel 2012-2013

A imaxe corresponde a pasada tempada; Yago ausente na mesma

O DCM afrontará a súa segunda tempada na elite do futbol sala afeccionado vigués co obxectivo de situarse entre os mellores, co mesmo plantel que rematou a tempada pasada; é dicir, o clube renovou o contrato de tódolos seus xogadores (aínda que Quique non terá ficha ata o mercado invernal, á espera do seu regreso de terras austriacas), e exerceu a opción de compra sobre David Santos, xogador que chegaba no pasado mes de xaneiro.

Yago ó igual que no pasado ano, terá unha presenza moi testimonial, ó situar a súa residencia habitual en terras catalás.

A secretaría técnica manexou o nome dun xogador durante todo o verán, ó ser un home que encaixaría á perfección no equipo e vir recomendado polos irmáns Santos. Pero a continuidade de tódolos demáis membros do plantel e o alto grado de compromiso mostrado polos mesmos, fixo que non se chegasen a entablar negociacións directas co xogador. O clube agradece a súa boa predisposición e agarda que nun futuro próximo poida incorporarse ó proxecto dcmista.

Así pois:

- A portería quedará un ano máis en mans de Jorge; que cun ano máis de experiencia convírtese nun dos porteiros con máis historia na VigoEnXogo. Tentará rebaixar considerablemente a cifra de goles encaixada no debut do equipo na categoría (113). Titular indiscutible e sempre considerado dos xogadores máis destacados polos espectadores ós encontros; non lles pode defraudar.

- Na parcela defensiva, estarán de novo:

Vare (agárdase que sexa de novo unha das referencias defensivas do equipo. Debe asentarse na categoría e loitar por reducir, e moito, o número de goles encaixados polo equipo na tempada pasada. Tras moitas tempadas formando parella defensiva con Pali, a defensa acusou algo de descoordinación entre os seus xogadores (ante a falta de continuidade de Chape e Xmon e a incorporación a metade de tempada de David; algo que o noso 5 tentará paliar este ano formando unha defensa sólida e compenetrada.)

Chape (realizou durante o verán un plan de posta a punto para o inicio do campionato e amosou moitas gañas por facer un gran ano. Agárdase que poida desputar moitos máis encontros que nas últimas tempadas, tras pasar a un segundo plano os seus problemas nas costas. Sen dúbida podería ser a gran fichaxe do equipo para esta tempada, xa que é o outro xogador que mellor coñece a filosofía e os movementos defensivos do equipo, polo que deberá asumir tamén labores de colocación dos seus compañeiros e ser un dos referentes en defensa).

Xmon (é o outro xogador do que temos información de que levou un agresivo programa de posta en forma neste verán. Se consegue unir iso a un pouco de continuidade no equipo, poderemos ver unha gran versión deste sólido defensa que sempre cumpre nas súas actuacións. Pero de momento e como ocorre con él todos os veráns o seu protagonismo nesta tempada será unha incógnita por resolver.)

David (tralos seus primeiros meses de adaptación, con moi boas actuacións, agárdase todavía moito máis del nesta tempada. Ten moitas cualidades e un gran potencial, e se consegue coller ritmo de partidos e interiorizar algo máis o esquema de xogo do equipo (os seus dous puntos febles a pasada tempada), chegará a ser un dos mellores defensas da división. De momento, nesta pretempada xa deixou detalles das súas virtudes, pero acusou algo de falta de fondo físico.

- A parcela ofensiva será cousa do tridente formado por Pani, Pablo e Emi, con axudas esporádicas de Yago e á espera de que en xaneiro poida regresar Quique.

Emi (o xogador con máis técnica do equipo, será o encargado de volver a coller o timón do xogo do DCM. As súas ausencias no inicio da tempada pasada, obrigaron ó equipo a trocar o seu sistema de xogo, e cando regresou, custou retomar a súa filosofía de xogo. Este ano, coa súa presenza dende o principio, tentará de rematar o seu acoplamento con Pablo e marcará a liña de xogo do equipo dende o primeiro intre, asumindo a responsabilidad de crear as ocasións do equipo)

Pani (un traballador nato que tivo que adaptarse a moitas e moi distintas situacións na pasada tempada e do que requeriuse en moitas ocasións un tremendo esforzo físico. Esta tempada, tamén dende a tranquilidade de saber con qué sistema de xogo e con qué compañeiros terá que traballar, agárdase que teña un papel protagonista no equipo. Será o comodín que todo adestrador quere ter, asumindo responsabilidades goleadoras, de osixenación nas salidas de balón do equipo e aportando un traballo defensivo fundamental para o funcionamento do esquema do equipo.

Pablo (cun acoplamento en tempo record, aportou coas súas características e grazas ó entendemento con Quique, unha nova posibilidade táctica de xogo ó equipo, que nos sacou de moitos apretos en numerosos partidos. Agora, deberá compaxinar esa posibilidade de xogo rápido e vertical que será determinante en momentos puntuais dos encontros, co acoplamento con Pani e Emi para o xogo máis elaborado que se require noutros momentos. E sobretodo, deberá mellorar o seu posicionamento defensivo, para non provocar desaxustes na defensa e evitando sprints innecesarios. De todos xeitos, incluso nos seus peores días deberá ser e será un dos xogador máis determinantes da liga, como xa fixo a tempada pasada.)

Yago (nos escasos encontros que desputará, deberá aportar como é habitual nel, moita pegada e traballo defensivo. Será labor dos seus tres compañeiros ofensivos, integralo nas pequenas variantes que o habitual xogo do equipo sufre cada tempada.)

Quique (agardamos poder falar da súa incorporación no mercado invernal)

“Sétima tempada á vista”

Unha nova tempada de VigoEnXogo xa está aquí. Trátase da sétima na historia Dcmista. Un ano no que o equipo repite participación na máxima categoría de fútbol sala tras conseguir a permanencia a tempada pasada.

Tras un verán moi calmo no seo Dcmista, principiou o mes de setembro e con él debe regresar a actividade ó seo do clube.

Destes meses estivais, cabe destacar:

A desputa dun par de amigabeis que o equipo xogou no mes de xullo (supoñemos que para facer caixa, porque non se atopa outra explicación posible),

A celebración de eleccións á presidencia, que resolveuse coa marcha do Sr.Sotelo tras un mandato inmaculado (conseguíu con creces o obxectivo da permanencia e acertou de cheo nas fichaxes, logrando non recibir apenas críticas sobre a súa xestión), e o regreso por enésima vez do Sr.Rodríguez (que empatou nas urnas co Sr.Paniauga e foi designado “a dedo” polo presidente saínte, facendo uso do seu voto de calidade).

E a inauguración do Twitter oficial do equipo @dcmvigo, xestionado polo Sr.Gaspar Rosety, que tamén regresa tras varios anos desaparecido.

Agora a actividade do clube céntrase no traballo administrativo nas oficinas para pechar a inscripción, xa que nesta vindeira semana ten que quedar todo pechado, pois remata o prazo, así pois agardamos noticias da directiva.

E tamén se centra na pretemporada. Desputáronse xa os dous primeiros amigábeis contra CTGA (8-8) e un antigo campión nacional do torneo intercaixas (6-5). O clube negocia para desputar un novo partido a vindeira semana (ante un rival inédito) e outro para a semana do 17 de setembro ante o rival ó que xa se enfrentou o clube no mes de xullo.

Isto xa está en marcha. Próximamente publicaremos un análise do plantel 2012-2013. Saúdos cordiais.

Resumo da Tempada "Un ano de primeira"

Coa cena de fin de tempada e as eleccións á presidencia celebradas no día de onte, o clube puso o peche definitivo a campaña 2011-12.

O primeiro ano do DCM na máxima categoría do fútbol afeccionado vigués chegou ó seu fin. O equipo viviu un sono iniciado moitas tempadas atrás cando recén chegados á VigoEnXogo, na 3ª división, percibíase a máxima categoría como algo inalcanzable, pero co traballo e esforzo destes anos, o DCM chegou á 1ª división.

Foi un ano de moitas dificultades, non tanto clasificatorias como sí estructurais. Por fortuna, no aspecto clasificatorio, o equipo sacou resultados importantes en momentos clave, para non sufrir demasiado durante a liga. E é que os esforzos e o traballo que realmente tivo que realizar o equipo, estiveron centrados en conseguir facer xornada tras xornada unha convocatoria competitiva. Tempadas atrás, con tódolos membros do equipo inmersos en estudos na cidade olívica, poder acudir ós encontros cada fin de semana, era moi sinxelo para todos eles. Pero esta tempada, houbo moitos contratempos, que o clube foi solucionando de manera óptima, pero que non houbese sido quen de superar sen o compromiso de todos os membros deste plantel.

É difícil encontrar equipos na liga que aguanten tantas tempadas consecutivas, e que o fagan cunha gran parte dos seus membros fundadores. Este ano, o DCM conseguíuno, superou un novo reto, cicáis o máis difícil ata o momento, e agora toca xa centrarse en traballar para superar o da tempada que vén.

Jorge, Vare, Xmon, Chape, David, Pablo, Pani, Emi, Quique e Yago, en nome de todos e cada un dos vosos compañeiros (que de seguro comparten isto), recibide persoalmente as GRAZAS polos esforzos realizados para estar, cada un na súa medida e sempre que as circunstancias o permitiron, nos pavillóns, con gañas de xogar, de competir e de pasar un bo rato.

Sabemos que todos eses pequenos esforzos merecen moito a pena, para conseguir manter a flote este equipo e poder seguir desfrutando do mesmo, xornada a xornada, pero a pesares de que compensa, non está de máis recoñecer, que as veces todo isto implica pequenos sacrificios.

Neste senso, mención especial para as dúas novas incorporacións á familia Dcmista, Pablo e David, quenes chegaron por mera necesidade do equipo, pero que xa se gañaron o aprecio de todos os dcmistas, e son xa, peza fundamental do equipo. Ademáis, o seu rendemento superou en moito as espectativas. Pablo acaba a tempada como máximo goleador do equipo e sendo un dos xogadores con máis minutos nas súas costas. E David, fichado a metade de tempada, e sen apenas tempo para adaptarse ó equipo, soubo cumplir á perfección co seu traballo na defensa e incluso tivo que xogar en posicións máis adiantadas cando o equipo o necesitou.

Pero ademáis de superar eses contratempos, o equipo conseguíu un obxectivo moi valioso; a permanencia na categoría. E non só iso, o logrou sendo o equipo máis deportivo da división e o máis deportivo de tódalas divisións de fútbol sala (resultando en definitiva un dos equipos máis laureados na entrega de trofeos). Sacou puntos contra todos os equipos agás tres, o que mostra que os nósos teñen nivel para competir na división. E ademáis, o fixo, nun ano de ir e vir de xogadores, o que dificultou que o equipo puidese adoptar unha única idea de xogo ó longo da tempada e poder traballar nela. De feito, tivemos xornadas dun DCM en fase de adaptación á categoría; despois xornadas dun DCM con baixas moi importantes (Jorge mancado pola brecha no mentón e Emi no estranxeiro) que as superou estando ben metidiño atrás en busca de puntos fundamentais; chegaron entón partidos de voltar a xogar sen o freo de man posto; posteriormente unha xeira de partidos onde o equipo deixou todo no campo e cunha entrega encomiable gañou partidos impensables que trouxeron consigo a salvación (Quique entregouse de cheo nos seus últimos partidos co equipo antes de partir cara terras austríacas, e David recolleu o seu testigo); e nestas últimas datas, un DCM relaxado e sen obrigacións tácticas que deixouse levar. 

Isto, nos permite pensar, que se a tempada que vén, o clube logra maior estabilidade e pode traballar nunha mesma idea de xogo, cicáis poida optar a cotas máis altas na competición.

Así que agora a descansar unhas semanas, e despois a pensar xa na tempada que vén. De novo, agárdase un verán con algunhas incógnitas, e probablemente ata as últimas semanas de agosto non poidamos confirmar o plantel da vindeira tempada. O que xa é seguro é que Quique, que despedíuse onte dos seus compañeiros, non estará no plantel que inicie a tempada en outubro, e que Yago podería trasladarse preto da cidade olívica, convertíndose na "primeira fichaxe" da tempada (a súa representante xa comunicou que ata o mes de agosto non poderán confirmar a súa situación). Salvo sorpresa de última hora, o bloque de xogadores con máis partidos desputados neste tramo final de tempada; Jorge, Vare, David, Emi, Pani e Pablo, seguirán un ano máis no equipo, ó igual que Xmon, que deberá confirmar co clube se a súa previsión de disponibilidade para a tempada que ven é total. Así pois, agárdase que os representantes de Quique, Yago e Chape, poidan reunirse co novo presidente electo, o Sr.Rodríguez, elixido onte mesmo nunhas eleccións cun empate inédito na rolda final (co Sr.Antxonio) que obrigou a sacar os estatutos do clube e decidir por primeira vez ó máximo mandatario do clube co voto de calidade do presidente saínte (neste caso o Sr.Sotelo, que se decantou pola experiencia dun home con moitos mandatos as súas costas), para falar da súa continuidade e de se a súa disponibilidade será total, nos casos de Chape e Yago, e no caso de Quique, da súa posible reincorporación no mes de xaneiro. De todos xeitos, a dirección deportiva xa manexa algún nome (mantendo o perfil de ex-xogador da copa/liga loiola), por se as circunstancias levan a algún membro do equipo a non poder seguir no plantel.

Noraboa pola tempada rapaces.

Agradecementos especiais á nosa afección, fotógraf@s e demáis familia Dcmista. (grazas especialmente a Ale, Lúa, Carola e Sheila por estar tantas veces presentes nas bancadas e a Lara polo seu seguimento dende a distancia)

Algúns datos da tempada:

• 10º clasificado con 40 puntos; 12 vitorias, 4 empates e 14 derrotas
• 104 goles a favor, 113 goles en contra.
• Goles: Davo 2, Chape 3, Yago 5, Vare 9, Pani 10, Quique 17, Emi 28, Pablo 28
• Jorge mantivo a súa porta a 0 en tres xornadas (dúas ante o Xestas 1-0, 0-2 e outra ante Cahersa 4-0). Os nósos non viron porta en un só partido (ante Matamá 5-0)
• 4 amarelas (2 Quique e 2 Pablo)
• Mellor xeira: 4 vitorias consecutivas
• Peor xeira: 3 derrotas consecutivas (en dúas ocasións)
• Pablo e Vare desputaron todos os encontros da tempada.
• Maior goleada acadada: Navia 1-6 DCM e Wapichi 2-7 DCM
• Maior goleada encaixada: DCM 2-7 Hannover, Hannover 8-3 DCM e Matamá 5-0 DCM
• Permanencia matemática acadada a 4 xornadas para a conclusión.

"A guinda a unha gran tempada na 1ªDivisión" DCM 5-3 P.Eloy

 O DCM despide a tempada cunha reconfortante vitoria ante un P.Eloy intratable no último tramo de campionato.

Os Dcmistas aprenderon da derrota da 1ª volta e centráronse en non cometer erros defensivos, agardando ata que o P.Eloy (non acostumado a rivais capaces de amoldarse ó seu xogo) dese un paso en falso cara diante que os nósos aproveitaron á perfección.

Gran vitoria para despedir unha grandísima tempada no ano do debut na 1ª división.

A derradeira xornada da tempada 2011-2012 desputouse no pavillón de Coia entre dous vellos coñecidos da competición. Con ambos equipos salvados e cos seus obxectivos cumpridos (só o DCM xogábase o premio a deportividade), tan só estaba en xogo o bo sabor da vitoria. A convocatoria dcmista a formaban Jorge, David, Vare, Xmon, Emi e Pablo; Pani mancado vería o encontro dende a bancada.

Ambos equipos saíron moi concentrados. O DCM sabía que non podía cometer os erros da primeira volta e saíu moi expectante. Pronto puido comprobar por qué o P.Eloy converteuse nun dos mellores equipos da liga nesta segunda volta. Os amarelos, perfeccionaron o seu sistema de xogo. Agardan en área propia ó rival, e movéndose en bloque con moita coordinación evitan todos os intentos de crear perigo por parte dos rivais. Ademáis, cando recuperan o esférico, non cometen erros na saída. Erguen a cabeza e buscan a contra. Cando non é posible miden moito os primeiros pases, e pouco a pouco avanzan metros ata chegar a campo rival. Alí, buscan un cambio de ritmo, un erro defensivo do rival ou unha xenialidade de Vasco.

Pero o DCM onte, contrarrestou perfectamente ó Parquets xogando dun xeito similar a eles. Sen perder a concentración atrás e con paciencia en ataque.

Tan só dous erros dos equipos nesta primeira metade, permitirían que o electrónico variase. Emi poría por diante ó DCM nunha contra e tras un doble remate (o segundo dende o chan) facía o 1-0 que significaba tamén o gol 100 dos dcmistas na tempada.

Pero sen tempo para que o partido trocase, Vasco facía o 1-1 no segundo pau e de tacón aproveitando un dos poucos desaxustes defensivos dos dcmistas nesta primeira metade.

Se na primeira volta foi o DCM o que se trabucou na estratexia, na segunda parte do encontro, sería o P.Eloy o que cometería os erros. Caeu na súa propia trampa, e é que en lugar de ser o seu rival o que descoida a parcela defensiva, esta vez serían eles os que avanzaban todos os metros que o DCM lles deixaba libres ata o seu campo, e ahí os nósos agardaron un par de erros nos pases para saír en contragolpes mortais. Pablo fixo un traballo incrible nesta faceta de contragolpista que tanto lle gusta e tras unha gran xogada persoal servía un pase da morte para que David convertese o 2-1.

Por diante no marcador, o Parquets caeu de novo no mesmo erro, e de novo contra Dcmista, na que desta vez Emi servía un asistencia fantástica para que Pablo fixese o 3-1.

Co 3-1, o Parquets tentou meterse de novo no partido, pero hoxe, os defensas dcmistas amosaron unha gran concentración. David, Xmon e Vare, pecharon cada intento de regate ou disparo dos rivais, e nas poucas ocasións que o rival os superaba, Jorge respostaba na porta con gran solvencia.

Pasaban os minutos, pero finalmente recurtaría distancias o Parquets nunha xogada algo embarullada na que os Dcmistas quedaban pedindo ó colexiado unha inexistente infracción de saque de porta. 3-2.

Pero daquela, Emi unírase a Pablo e xogaba a pracer cos espacios que deixaba a defensa do Eloy. Así conseguiría facer o 4-2 e o 5-2 (non recollido na acta), alcanzando a cifra dos 28 goles e igualando a Pablo como máximos anotadores do equipo na tempada, noraboa a ambos!. Todavía tería algunha contra máis o DCM e incluso un gol anulado, pero gustouse demasiado e acabou errando.

O Parquets maquillaría o resultado cun gol do seu atacante Jorge precedido dunha man do dianteiro amarelo que o colexiado non apreciou, 5-3.

Finalizaba así o partido e a tempada, unha vez máis nun gran ambiente entre ambos conxuntos.

Felicitar dende aquí o ParquetsEloy pola súa gran tempada (remata na 5ª posición). De seguro que para o ano estarán loitando entre os mellores. E agradecerlles tamén as boas palabras adicadas ó nosos equipo na súa crónica.

O DCM sumaba unha nova vitoria (que non lle permitíu mellorar o 10º posto clasificatorio) e non recibíu cartóns amarelos, a espera que os só 4 vistos durante esta tempada, sexan os xustos para gañar a deportividade tanto nesta división como nas demáis. Agardaremos a unha posible chamada da organización convidando ó equipo á entrega de trofeos.

Manterémosvos informados!

Noraboa pola tempada rapaces! Grazas a afección que achegouse neste último partido a despedir ó equipo! (Pani, Lúa, Ale e Fidel)

AS FOTOS DO PARTIDO NO SEGUINTE ENLACE: 

https://picasaweb.google.com/102545914651497041447/120603DCMParquetsEloy?authuser=0&authkey=Gv1sRgCOS177-v_YOMUA&feat=directlink 

"Un clásico para pechar a tempada" DCM - P.Eloy

Chega a derradeira xornada da liga 2011-2012 e chega cun clásico entre vellos coñecidos, dous equipos recén ascendidos á categoría e que rematan a tempada con boas sensacións tras pechar a súa permanencia xornadas atrás.

O Parquets, realizou unha segunda volta extraordinaria, e non só logrou confirmar a súa permanencia na categoría senón que rematará a tempada nos postos altos da clasificación e apúntase como candidato ó podio na vindeira tempada. Dende a súa propia web, sinalan que gran parte de ese éxito, débese a que o rendemento do seu xogador franquicia, o Vasco, incrementouse nas últimas datas, chegando a ser o das grandes citas. Pero ademáis,un gardamallas consolidado, unha gran defensa e a irrupción no equipo dun xogador desequilibrante como é Jorge, son as claves deste ParquetsEloy capaz de vencer a calqueira nesta categoría.

Na ida, a pesares de chegar moi parellos na clasificación, o Parquets foi superior ós Dcmistas, facendo que os nósos caeron no seu xogo e sufriran unha dolorosa derrota.

Nesta ocasión o Parquets chega moito máis forte, e o DCM moi xusto de efectivos e forzas a esta última xornada.

A participación de Pani é moi improbable por unha mancadura no talón, Emi e Chape son dúbidas e os irmáns Santos chegan tocados físicamente. Aínda así, e a pesares de que por primeira vez nos duelos entre ambos, ningún dos dous equipos xógase demasiado clasificatoriamente falando (o Parquets loitará por rematar entre os 5 primeiros e o DCM entre o 8º e o 11º segundo os resultados), os nósos loitarán como sempre, coa motivación de ter enfronte a un vello coñecido, de ser o derradeiro encontro da tempada, de querer alcanzar a cifra dos 100 goles e de poder estar a vindeira semana na entrega de trofeos, erguendo o título á deportividade. Ademáis, o escenario do encontro, o Pavillón de Coia otorga tamén un tinte especial ó partido, ó ser un pavillón raramente utilizado na VigoEnXogo.

Todo preparado para despedir a tempada. Non o perdan.

SÁBADO ÁS 17H. NO PAVILLÓN DE COIA

"Orgullosos do esforzo” NovoVidal 6-2 DCM

Con tan só 5 xogadores (e dous deles tocados) desputou o DCM a penúltima xornada de liga ante un dos mellores equipos da liga segundo os analistas.

Jorge, David (que remataría mancado), Vare, Pablo e Emi que arrastraba problemas da semana anterior, deixaron na pista todo o que tiñan. Fixeron un encontro correcto en defensa e crearon ocasións de perigo en ataque. Pero a efectividade rival e sobretodo a superioridade física do NovoVidal decantaron o encontro.

A primeira parte foi bastante igualada en número de ocasións, pero os dcmistas erraron as súas (creadas tras moito insistir, e é que a maioría de ataques quedaban en nada ante a superioridade física dos defensas de NovoVidal que tirando de corpo impedían os regates dos dianteiros Dcmistas)  e NovoVidal aproveitou as que creou, todas elas boas xogadas nas que tiraban paredes abrindo o esférico a un lado do campo e servían o pase para empurrar dende o punto de penalti (o cansazo non permitía ós dcmista seguir todos os desmarques). Así, chegábase cun 3-0 ó descanso.

Na segunda metade seguíu a mesma tónica. O DCM non se rendeu e continuou traballando arreo para chegar preto da área rival. Por desgraza, chegaba o 4-0 nunha acción desafortunada, na que un centro dende a banda sen destinatario acababa nas redes de Jorge. Nestes segundos 25 minutos, os defensas de NovoVidal comezaron a chegar tarde ás anticipacións de esférico, e xa non roubaban o esférico limpamente aproveitando o seu físico, senón que existiron múltiples contactos (sempre dentro da deportividade) non asubiados por un Muñiz que permitíu demasiado. Aínda así, Emi fíxose forte neses contactos e Pablo tirou de casta e desatascou algo ó DCM logrando marchar por primeira vez e en máis dunha ocasión do seus defensores, creando superioridades en ataque e boas ocasións.

Pablo faría o 4-1 de falta directa e intres despois o 4-2 que daba algo de emoción ó partido.

David caía entón mancado e limitábase a defender como boamente podía.

Mereceu o DCM algún dobre penaltie pero como diciamos o colexiado deixou xogar demasiado.

O cansazo fixo mella e NovoVidal sentenciou o encontro con dous novos goles.

Gran traballo destes 5 fantásticos e a pensar xa no derradeiro partido ante ParquetsEloy.

A PREVIA: "Esforzo final baixo mínimos" NovoVidal - DCM

Penúltima xornada a que se desputará este domingo ás 14:00h no pavillón de Lavadores.
O DCM recibe a un dos equipos punteiros da división, pero ó que xa conseguíu arrincar un empate na ida.

Os nósos chegarán moi mermados polas baixas a esta xornada. Pani cun forte hematoma no talón esquerdo, non estará na convocatoria, ó igual que Xmon con permiso do clube. Ademáis, Emi chegará tocado tralo golpe recibido no último encontro. Se agarda que Chape sí poida entrar na convocatoria neste delicado momento.

O partido será fermoso de xogar, ante un bo rival. Trala vitoria na última xornada, agárdase que os nósos recuperaran confianza, e co bo traballo que veñen realizando nos últimos partidos, poderán xogar de ti a ti ó NovoVidal, e incluso optará á victoria.
Jorge loitará unha xornada máis por tentar deixar a porta a cero; Vare, David e agardemos que tamén Chap, tentarán demostrar que as graves lagunas defensivas de xornadas atrás, son xa cousa do pasado; e Pablo e Emi, tentarán dar de novo espectáculo ofensivo ó servizo do equipo, sen esquecer o importante traballo defensivo que semella fundamental ante este rival.
Ademáis segue en xogo a deportividade, o obxectivo de alcanzar a cifra dos 100 goles, mellorar en xogo, desfrutar do partido...
Moitas razóns para estar ó pé do canón por penúltima vez na tempada. Imos!

DOMINGO ÁS 14:00H NO PAVILLÓN DE LAVADORES

"Reencontro coa vitoria” DCM 5-1 Navia FS

Un DCM correcto no traballo, curta a negativa xeira de tres derrotas consecutivas e amosa que a derrota ante o Gamusinos foi só un esbarón é que o equipo merece a permanencia acadada xa que é algo superior ós que loitan polo descenso.

Sen moito acerto e sen demasiada continuidade no xogo, pero con moito traballo, o DCM reencontrouse coa vitoria nesta antepenúltima xornada dominical de liga.

Triunfo necesario para devolver a confianza ó equipo, necesitado dela como demostra a multitude de ocasións erradas no día de hoxe.

O DCM dominou gran parte do encontro. Custoulle adiantarse no marcador, errando moitas ocasións, pero cando Pani conseguíu o 1-0, o partido foi algo máis sinxelo para o equipo a pesares de seguir errando goles. Antes diso, Jorge xa tivera un par de moi boas intervencións a balóns envelenados.

Por diante no electrónico, o DCM centrouse en defender, confiando que en ataque chegarían máis goles; pero estes non chegaban. Ante este panorama, o equipo multiplicou os esforzos en defensa; esforzo personalizado na figura dun Pani que hoxe realizou un auténtico partidazo.

Cun Jorge centradísimo no partido e cun Pani omnipresente, o equipo rematou de imporse no partido grazas a un Pablo que hoxe asumíu o papel de candidato a mellor asistente da liga, cun Emi tetragoleador e moi participativo, e con David, Vare e Xmon cumplindo con solvencia na parcela defensiva.

Así, antes do descanso Emi faría o 2-0.

E nada máis voltar do tempo de refrigerio chegaría o 3-0 que sentenciaba o partido. Chegaría despois o hattrick de Emi e o seu cuarto gol, aproveitando que Pablo atopara a fórmula de superar ós defensas rivais cada vez que se o propuña, nunha gran demostración de potencia física e intelixencia.

Jorge semellaba pola labor de deixar a porta a cero, e deixou outro par de intervencións de moito mérito. Pero cando o partido encamiñábase xa ó seu fin, Navia Fs conseguía facer o gol da honra.

Ó final tamén forte golpe recibido por Emi, que xunto a uns balonazos sufridos por Jorge, Vare e Pablo, agardemos que enchese o cupo de xogadas desafortunadas para o físico dcmista.

Dous partidos máis para desfrutar e para conseguir estar na entrega de trofeos de final de tempada recibindo o galardón á deportividade.

Imos rapaces!! Bo traballo!!

"Antepenúltimo fin de semana ligueiro" DCM-Navia FS

A liga encamíñase cara o seu fin. Cos deberes feitos, o DCM afronta os tres partidos restantes coa portunidade de desfrutalos, antes de que cheguen os meses de botar de menos o balón rodando as fins de semana. 

Este domingo, estará enfronte un Navia FS que se xoga a permanencia nestes tres partidos que restan. O rival necesita a vitoria, quere quedar en primeira e loitará ata o último minuto para conseguila.

Na ida, o DCM venceu por 1-6, pero desta vez, o encontro será moito máis complicado; e é que os nósos chegan igualando a peor xeira de resultados do ano (3 derrotas consecutivas, algo que só ocorrera nas primeiras 3 xornadas); agardemos que unha vitoria a curte de raíz.

O DCM sairá a xogar, tentará defender ben e combinar co esférico (no último partido o equipo xa o tentou pero o rival rematou por amosar a súa superioridade). Esta semana, ante un equipo da zona baixa, os nósos agardan logralo.

Se non hai novidades, agárdase a convocatoria ó completo, con Chape e Xmon como novidades respecto a última xornada.

Recordamos unha vez máis que o equipo todavía ten un título en xogo, a deportividade, que sería a guinda perfecta a esta primeira tempada na máxima división.

Vémonos o domingo! A desfrutar rapaces!

DOMINGO ÁS 12H NO PAVILLÓN DE LAVADORES