Clasificación e Análise da Segunda Volta

Debido ó parón ligueiro que vai sufrir Vigo En Xogo esta semana, consideramos axeitado facer unha pequena análise do que está dando de si esta segunda volta. Para iso é necesario analizar a clasificación da segunda volta, que é a que podedes observar nesta noticia, e na que se pode observar que salvo os dous primeiros clasificados, no resto (do 3º ó 10º) existe moitísima igualdade. Aquí van os datos, que ó noso parecer son os de maior relevancia:

- O Mellor equipo: Sen dúbida se hai que falar dun equipo fortísimo nesta segunda volta é La Casita que conta por vitorias tódolos seus partidos xogados. Supera en 3 puntos ó Hannover e iso tendo en conta que o Hannover xogou un partido máis que o "líder" desta segunda volta.

- O que menos puntuou: ese equipo non é outro que o Parquets Corcoba, o equipo Corcobense que rematou a primeira volta gañando ó DCM non foi quen de sumar ningunha vitoria no que vai de segunda volta, o que sumado a sanción que lle foi imposta dende o comité de competición, fai que o seu equipo atópese no fondo da táboa clasificatoria.

-A Rebelación: Non cabe dúbida que o equipo rebelación desta segunda volta é o Acerón. Ó equipo amarelo custoulle adaptarse ó ritmo desta categoría, o que custoulle situarse nos postos de descenso unha vez concluída a primeira volta. Porén unha segunda volta de altísimo nivel na que suma 5 vitorias e 3 derrotas (dúas de elas contra os dous primeiros), fixeron que o equipo saíra dos postos de descenso, e hoxe por hoxe atópese con moitas opcións de garantir a salvación.

-Baixaron o Nivel: Varios equipos baixaron o seu nivel, pero destacan dous. O primeiro de eles é o Ponte a Pintar, un equipo que loitaba polo liderado na primeira volta atópase agora a 11 puntos dos postos de ascenso, e é que se na primeira volta tan so perderon 2 partidos, no que vai desta segunda volta xa perderon 5. O segundo equipo que baixou de nivel foi o Frutas Nieves que non foi quen de acadar unha vitoria nesta segunda volta e iso que xa disputaron 10 encontros que se resumen en 4 empates (3 de eles consecutivos no comezo desta segunda parte do campionato) e 6 derrotas. O equipo fruteiro está a acusar as numerosas baixas coas que está a afrontar os seus partidos.

- O Máis Goleado: O Equipo máis goleado é o Ponte a Pintar, un equipo que durante toda a liga está a manter unha golaveraxe moi axustada, e ó que esta perda de nivel defensivo estalle a custar perder moitos puntos

- O Máis Goleador: De momento esa honra lle corresponde ó Hannover, quen confirma a súa boa puntería de cara a porta contraria a pesar de contar con numerosas baixas nos seus partidos. O Hannover segue a ser o equipo máis letal en ataque da liga, porén La Casita o segue moi de cerca e podería quitarlle o posto de privilexio, xa que ten un partido menos xogado.

- O Menos Goleado: Este privilexio tamén lle corresponde a La Casita, o que confirma o seu gran momento de forma. Leva 10 goles encaixados en 9 partidos, é decir, case que so un gol por partido.

- O Deportes Carlos Miguel: O Equipo azulón está a firmar uns números máis discretos que na primeira volta, pero que lle permiten seguir habitando na zona morna - alta da táboa clasificatoria. Porén se analizamos esta clasificación vemos que o Pizarro, Bar Kubi e ACP están preto dos nosos e teñen un partido menos, co que se gañasen a vindeira xornada, farían que o DCM fose o 8º equipo do que vai de segunda volta. As 4 vitorias que se obtiveron de forma consecutiva fan que o DCM mantéñase na medianía da liga, o que unido a boa primeira volta firmada polos homes de Ractkovic Varela fagan que o equipo este a conseguir uns números máis que aceptables para o seu primeiro ano na categoría, porén hai que salientar que é unha lástima que o equipo non fose quen de aguantar o marcador nos seus dous últimos partidos, xa que de telos gañados sumaría 18 puntos nesta segunda volta o que lle colocaría como o terceiro mellor equipo nesta parte de campionato.

Agardo que a análise fora do seu gusto, a clasificación de Vai-á porra actuarilarase a vindeira semana.

Xornada 10 de Vai-á Porra

Estes son os partidos seleccionados para a décima xornada de VAI-Á Porra

Pers United Vs Ponte a Pintar
Frutas Nieves Vs Birraeal
La Casita F.S. Vs Acerón

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

Se queren ver a clasifición, so teñen que baixar un pouco no blog, xa que a seguinte entrada contén a clasificación trala disputa da xornada 9.

Clasificación Xornada 9 de Vai-á Porra

Cambio de líder trala xornada 9, na que Migui grazas ós seus 3 puntos e a mala racha de Jorge, consigue facerse coa primeira praza da táboa con 30 puntos superando en un punto ó segundo clasificado. Na terceira praza mantense Chap, pero ve minorada a súa distancia con Lafuente que grazas a acertalo resulado do Bar Kubi Vs Frutas Nieves, sitúase a tan so 2 puntos dos postos de privilexio. O participante que máis puntuou esta semana foi DCM#8 quen ademais de acertar o resultado do Bar Kubi Vs Frutas Nieves foi quen de adiviñar o signo do ACP Vs Hannover. Estes seis puntos lle permiten elevarse cara a sétima posición da táboa clasificatoria.

Pouco a pouco se vai comprimindo a parte alta da táboa. Esta semana aínda que non xogue o DCM tamén haberá Vai-a Porra

"Repítese a historia" Birraleal 3-3 DCM

Ó igual que ocorrera na semana pasada, o DCM desperdicia unha vantaxa de dous goles e permite que o equipo rival empate na última xogada do partido deixando escapar así dous novos puntos. A catedral do fútbol vigués da que falaba Xaime, quédase en capela de pobo polas súas escasas dimensións ás que ó DCM non soubo adaptarse. Esta pésima xeira de resultados empañan a boa tempada que os nósos realizaran ata o de agora codeándose coa parte alta da táboa, e fai que todavía non esté selada a permanencia matemática.

Máis do mesmo, o DCM chegaba con gañas de recuperar a senda da victoria tralo empate ante BarKubi na última xornada, tras facer un gran traballo colectivo pero que tan só servíu para conseguer un punto tras dous despistes ó final do partido.
Desta vez o rival era Birraleal, un equipo que viña de 14 xornadas sen coñecer a victoria pero poñendo sempre en dificultades ós seus rivais. O DCM contaba coa novidade de Xmon na convocatoria.
O terreo de xogo convertiríase en protagonista, e é que os de Ratkovic Varela sabían que tratábase dun campo de reducidas dimensións xa que tiñan xogado algún amigábel no mesmo, mais onte, ó tratarse dun partido oficial, e ó xogar contra un rival serio, comprobouse que era todavía máis difícil xogar do que se pensaba. Moitos rexeites, moitos barullos, moitas imprecisión e poucos, moi poucos ocos para crear ocasións. Ante isto, o DCM perdeu as súas fortalezas, e é que o seu orde defensivo que o diferencia de moitos rivais, onte quedou en nada, xa que con tan poucos espacios apenas é necesario manter un orden, deféndese só con estar no campo.
De todas maneiras, nunca pode ser excusa algo que afecta ós dous equipos por igual, e o certo é que os nósos non souberon xogar nesta situación e incluso pódese dicir que Birraleal estivo máis cómodo no campo durante todo o partido.
Aínda así, o DCM traballou e buscou a porta rival sen moita fortuna, ata que Emi nun disparo tras varios barullos conseguía o 0-1. O partido pintaba ben, xa que marcar con tanta acumulación de homes non era fácil, mais preto xa do descanso, o gardamallas do Birraleal que sumouse continuamente ó ataque do seu equipo sería quen de bater a Jorge cun disparo lonxano que pasaba rozando a perna de Xmon. 1-1 e chegaba o descanso.

Na segunda parte máis do mesmo. Poucas ideas de cómo atacar esta situación por parte do DCM, mais aínda así, ían conseguer rachar o partido.
De novo Emi tras pase de Pali e despois dun gran control e boa finalización facía o 1-2, e pouco despois Quique aproveitaba a ousadía do porteiro rival de xogar moito tempo fóra da súa área para facer o 1-3 dende medio campo cun disparo rasiño ante unha portería sen gardamallas.
O partido semellaba sentenciado, o DCM pedía un tempo morto para colocar a defensa e procurar que o porteiro xogador non lles creas máis problemas, pero de nada servíu. Mala sorte, despistes, falta de intensidade... un cúmulo de circunstancias que permitían ó rival marcar dous novos goles e empatar o encontro nas últimas xogadas do mesmo. 3-3 e final do partido.

Dous puntos nos últimos catro partidos preocupan no seo dcmista, aínda que o traballo da permanencia parece feito e que a situación non preocupa porque o equipo segue traballando en boa liña e único que fallan son os resultados, a verdade e que quérese curtar esta xeira canto antes para finalizar a tempada nunha posición clasificatoria decente que non enturbie tan bo ano que estaban a realizar os nósos.

Agora semana de descanso e despois ponte festiva, así que haberá que agardar 20 días para voltar a ver ós nósos nos terreos de xogo.
O regreso será ante Frutas Nieves que está a loitar por non compricarse a súa permanencia na división. Unha victoria nese encontro podería significar a permanencia case matemática, pero unha derrota incluso podería facer saltar tódalas alarmas se os resultados non acompañan de aquí a final de tempada.

Agardemos que todo mellore.

Reciban un cordial saúdo!

Debut do DCM na Catedral do Fútbol Vigués

Ola, unha vez máis estamos aquí para informar do que vai a ser a 24ª xornada desta Segunda División grupo "B" de Vigo En Xogo. Unha xornada onde o Deportes Carlos Miguel chega sen ningún obxectivo clasificatorio claro, pero no que debe acadar os 3 puntos se non quere que os equipos que marcan o límite da zona de descenso síganse acercando.

O partido desta fin de semana ten un escenario cargado de moita historia, e é que o DCM xogará por primeira vez nun partido oficial no Estadio Municipal de Balaídos, a verdadeira catedral do fútbol vigués, que dende 1929 goberna a historia do equipo de fútbol máis representativo da cidade. Pero é que ademais de albergar un gran estadio de fútbol con capacidade para máis de 31.000 persoas, dende 1982 o Estadio Municipal de Balaídos tamén conta con un complexo polideportivo situado nos baixos da grada de Río, grada construída con motivo do mundial de fútbol de 1982 e que configurou o aspecto que actualmente presenta o estadio vigués (xa que as restantes gradas son da década dos 70). Pois ben nun momento onde outra vez o estadio vigués soa con forza para ser sede do mundial de 2018 ou 2022, o DCM vaise estrear nestas pistas polideportivas, máis concretamente na pista un, que para os que non o saiban é a que sitúase a dereita da porta 18, porta pola cal deberán acceder os seareiros que queiran gozar do partido.

O Rival do DCM este sábado ás 19:00 horas no xa mencionado escenario, non é outro que o Birraleal, un equipo que chega ó partido metido de cheo na zona baixa da táboa clasificatoria e sabendo que ten que comezar a gañar xa, se quere ter algunha opción de permanecer de cara a vindeira temporada na segunda división, xa que está a ver como outros equipos como o Acerón estanse afastando rapidamente dos postos baixos grazas a súa grande segunda volta. Os seus números non son nada bos xa que acumulan tan so dúas vitorias e dous empates por 15 derrotas, son 12º con 8 puntos empatados co Vinoteca a Laxe. O equipo azul comezou moi ben a temporada xa que nas dúas primeiras xornadas sumou 4 puntos, é dicir a metade dos que ten actualmente, tras gañar con solvencia por 3-0 ó Pizarro e empatar cun dos equipos fortes da categoría, o Ponte a Pintar (4-4). Despois deste partido perdeu dous partidos consecutivos, onde destaca a forte goleada encaixada ante o ACP (1-7) pero da que se reporía rapidamente, xa que na seguinte xornada acadaría a segunda e última (até o momento) vitoria da temporada, sería fronte ó Aceron cun contundente 7-2. Despois acumularía 11 derrotas consecutivas pero na décimonovena xornada sería quen de sacar un valioso punto fronte ó ACP Sport. Poren este punto non sería un punto de inflexión na traxectoria do Birraleal xa que nos dous seguintes partidos cae derrotado fronte ós dous últimos rivais do DCM, Acerón e Bar Kubi (fronte ós cales o DCM tan so foi quen de obter un punto). Polo tanto o Birraleal é un equipo da zona baixa pero que xa deu mostras de sobra de que lle pode complicar a vida a calquera rival, xa que moitas das súas derrotas foron pola mínima (5 partidos).

O Precedente máis actual de encontro fronte ó DCM, é o partido que ambos xogaron na primeira volta e que rematou con vitoria dos DCM'istas por 5-2. Naquel partido o DCM adiantaríase 5-0 antes do descanso e deixaríase ir na segunda parte. Foi aquel un partido falto de ritmo e bastante aburrido para o público presente, tanto que Lino titularía a súa crónica da seguinte forma "O DCM golea nun paupérrimo encontro” DCM 5-2 Birraleal. Como anécdota sinalar que o equipo xoga como visitante nesta xornada polo que tendo en conta que o partido se xoga en Balaídos e vendo o rendemento do equipo local (o Celta) no seu estadio nas últimas temporadas, parece que ten máis posibilidades de obter a vitoria.

O DCM chega a este partido nun estado de forma preocupante, tras facer un bo partido fronte ó ACP que rematou con derrota, os partidos contra o Acerón e o Bar Kubi deixaron ós nosos un moi mal sabor de boca. No primeiro porque o Acerón foi quen de desarborar completamente ó equipo dirixido por Ractkovic Varela e o segundo porque o Bar Kubi conseguiu empatar nos derradeiros minutos un partido no que se ben é certo que o DCM fixo un traballo defensivo moi positivo, faltoulle un chisco de intensidade nalgúns momentos do partido para sentenciar un encontro que en moitos momentos tivo un ritmo moi pesado. Para este partido Rackovic conta coa probábel baixa de Yago, o que fai que o adestrador teña que preparar o partido cunha convocatoria formada por 8 homes. Jorge que será o encargado de ser o derradeiro obstáculo para que o balón non entre nas maias da portería, Pali, Xmon, Chap e Vare que formarán en defensa con total seguridade, aínda que Chap segue coas súas molestias e polo tanto tan so está para xogar algúns minutos, Emi e Pani para organizar o xogo visitante e Quique como referente en punta. Polo tanto partido importante para o DCM, xa que debe gañar para afrontar as dúas próximas xornadas de descanso cunha certa tranquilidade, xa que unha derrota unido ós 3 partidos que leva sen gañar (tan so un empate) e as dúas xornadas de descanso que lle seguen, faría que o equipo DCM'ista comezase a botar pola borda a súa boa temporada de debut na segunda división, e poderíase situar preto dos postos de descenso, vendo como equipos como o Bar Kubi ou o Acerón sitúanse se gañan os seus compromisos a tan so 2 e 4 puntos respectivamente.

A Cita xa o saben o Sábado ás 19:00 horas, unha hora inmellorable para poder gozar dun partido desta segunda división grupo "B" de Vigo en Xogo, no Estadio Municipal de Balaídos.

Aliñación Probábel:

-----Jorge-----

Vare------Pali

-----Emi------

----Quique----

Xornada 9 de Vai-á Porra

Estes son os partidos seleccionados para a novena xornada de VAI-Á Porra

Birraleal Vs Deportes Carlos Miguel
A.C.P. Sport Vs La Casita F. S.
Bar Kubi Vs Frutas Nieves

Recordamos que:
- Para participar en Vai-á Porra débeser por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

Se queren ver a clasifición, so teñen que baixar un pouco no blog, xa que a seguinte entrada contén a clasificación trala disputa da xornada 8.

Clasificación Xornadas 7 e 8 de Vai-á Porra

Tras estas dúas xornadas a clasificación ferve na zoa alta da táboa clasificatoria. Migui cos seus 9 puntos en dúas xornadas foi quen de recortarlle 7 puntos a Jorge quen paga caro o seu descoido da xornada 7 onde non puxo prognóstico. Outro dos grandes beneficiados destas dúas xornadas foi Lafuente que foi quen de acada 9 puntos que lle deixan ás portas do podio. Outro que se acerca as posicións de privilexio é Karr, quen sumou 7 puntos e sitúase xusto por debaixo de Lafuente. Tampouco foi mala xornada para Ale e para Quique que sumaron 6 puntos, e seguen a intentar colarse nas primeiras posicións, si ben é certo que Ale perdeu a súa posición no podio debido a grande actuación firmada por Migui.

"O DCM deixa escapar dous puntos no último intre" DCM 2-2 BarKubi

Nun encontro igualado no que ningún equipo asumíu riscos e agardou só os erros rivais, o DCM mandou no marcador dende moi cedo e semellaba manexar o encontro ó seu antoxo, cun goliño en cada metade e cun gran traballo defensivo que parecían condear o encontro a un 2-0 definitivo, pero a falta de dous minutos e medio, BarKubi tiraría todo o traballo dos branquiazuis pola borda tras transformar un penalti e tirar de fortuna para empatar nun disparo dende a banda.

O DCM regresaba a competición trala pésima imaxe ofrecida ante Acerón e con gañas de voltar á senda de bos resultados.
O equipo, confiou para iso na súa mellor arma, o traballo defensivo en conxunto. E niso baseou todo o encontro ante un BarKubi que sen arriscar tentou non perderlle a cara ó partido en ningún intre.
Pani adiantaría ós locais cun disparo moi colocado e a partir de ahí o DCM centrouse en defender ó 100% buscando contras e ocasións esporádicas.

Na segunda metade máis do mesmo. Emi facía o 2-0 e o partido pintaba moi ben para os nósos, xa que ademáis tiñan boas ocasións para aumentar a conta, especialmente cando o rival introducíu no campo porteiro xogador, tendo o DCM dous disparos a porta vacía dende o seu campo que non atoparon porta.
A falta de dous minutos e medio, o colexiado, Oscar Mayo, asubiaba un penalti que existíu pero que él non víu, e BarKubi recurtaba distancias. E na seguinte xogada, nunha acción sen aparente perigo un disparo cruzado dende a banda atopaba as redes defendidas por Jorge.

Finalizaba así o encontro. Un puntiño máis para cada equipo. A pesares do duro golpe de deixar escapar unha victoria tan traballada en apenas dous minutos, cabe resaltar o bo traballo colectivo do DCM que recobrou a súa imaxe de equipo sólido que perdera na anterior xornada.

Agora a pensar en Birraleal.

un saúdo!

Xornada 8 de Vai-á Porra

Estes son os partidos seleccionados para a oitava xornada de VAI-Á Porra

Deportes Carlos Miguel Vs Bar Kubi
Hannover Vs A.C.P. Sport
Frutas Nieves Vs Acerón

Recordamos que:
- Para participar en Vai-á Porra débeser por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

La clasificación se publicará próximamente.