X. 21 “Vitoria balsámica” MatizVigoFS 3-1 Vet.Ars.Canis

 

O Matiz reencóntrase coa vitoria e curta unha senda negativa de resultados, nun encontro moi traballado polos 6 homes convocados, que tiveron que remar moito para remontar o 0-1 adverso para acabar impoñendo a súa superioridade.

Necesitaba o equipo os tres puntos en xogo desta vixésimo primeira xornada de campionato, e é que a oitava posición que marca o teórico descenso estaba xa a tan só 4 puntos.
O encontro, desputábase no pavillón de Candeán e era asubiado por Arango.
Os nósos, presentaron unha convocatoria xusta, de tan só 6 xogadores. E unha vez máis, o equipo demostrou que case sabe competir mellor nestas situacións, aínda que iso requira un gran esforzo físico.
O Matiz comezou demasiado estático. Controlaba o partido, mais non remataba de levar verdadero perigo sobre a meta rival. O ArsCanis apenas inquedaba a un seguro Jorge.
Pero mediada esta primeira metade, e de novo a balón parado (igual que na pasada semana) os visitantes atopaban o gol. Grave erro defensivo dos nósos que non souberon reaccionar ao saque en curto da falta e permitiron o disparo sen oposición. 0-1.
Reaccionou entón o Matiz, comprendendo que debían xogar con máis movilidade para crear ocasións, pero varios xogadores acusaban xa o cansanzo. Aínda así, chegaron as mellores ocasións. Primeiro nun pase longo cara Vare, que saía a tapar o gardamallas, e aínda que o nóso 5 atopaba a Pani, os defensas rivais tapaban moi ben o disparo do atacante dcmista que non podía introducir o balón nas redes. E posteriormente un par de boas accións individuais de Emi, na segunda e tras un barullo na área, o balón remataba nos pés de Xmon que cunha boa reviravolta conseguía o tan ansiado empate 1-1.
Antes do descanso, puído incluso remontar o Matiz cun saque de falta de Emi cara Davo e devolución deste ante a saída do cancerbeiro, que de novo tapaba moi ben a defensa para impedir que o disparo traspasase a liña de fondo.

Tralo descanso, mellorou todavía máis o Matiz. Moveuse e circulou o balón con moito máis criterio, e aínda que pasaron por momentos de cansazo, pódese dicir que estiveron máis frescos que na primeira metade.
O 2-1 sería de novo obra de Xmon, que anotaba o seu dobrete e daba a volta ao electrónico tras unha boa xogada na que Pani pelexaba o balón ata que éste acababa no segundo pau nos pés de X que transformaba en gol.
Defendeu moi ben a súa renda o equipo, sen conceder apenas ocasións claras, e agardou a súa oportunidade para ampliar vantaxe. Ésta chegaría nun saque de porta en longo de Jorge, quen con precisión milimétrica superaba ao defensa rival e puña o balón na cabeza de Emi, para que éste nun gran xesto cruzase o esférico o suficiente para bater ao porteiro rival. 3-1.

Remataba así un gran encontro dos nósos que acadaron tres importantísimos puntos con moito traballo e recuperando grandes sensacións de xogo. Chega agora unha semana de descanso. Desfruten dela. Voltarmos coa previa do difícil encontro ante o Explovi (actualmente 4ºclasificado). Un saúdo!

X.20 “Derrota para esquecer” MatizVigoFs 4-5 LibreriaHollandia

Por primeira vez na tempada o Matiz encadea dúas derrotas consecutivas e tan só suma 1 punto nas tres últimas xornadas. O equipo perde parte do colchón de puntos adquirido sobre o oitavo clasificado, pero segue nunha boa posición na táboa.

A derrota de onte, chegou nun deses encontros, que por desgraza teñen que xogarse unha ou dúas veces por tempada e que empobrecen o campionato.
O rival cimentou a súa vitoria no balón parado e en protestas, provocacións e insultos (dende o campo e dende a bancada) que unha vez máis sacaron ao Matiz dun encontro no que o equipo non estivo cómodo en ningún momento. A chegada de Pablo provocou unha sobremotivación nos nósos que se traducíu incorrectamente en precipitación e présas. Os nósos quixeron conseguir a vitoria demasiado pronto e desperdiciaron os primeiro minutos do partido (os únicos que se puído xogar de maneira algo fluida), e é que tralo primeiro gol rival, tras unha contra moi mal defendida, o Hollandia optou por esas estrataxemas xa comentadas e que o colexiado non foi quen de penalizar adecuadamente.
E radicalizarían posturas tralo seu segundo gol que chegaría de disparo lonxano no que o gardamallas maticista non estivo afortunado.
Iso unido a moitos máis erros do Matiz, tanto en ataque como en defensa, acabaron por decantar o encontro. Os nósos chegaron a lograr o empate a 4 goles, pero cada vez que recurtaban distancias ou empataban chegaba un gol a balón parado dos rivais.

Non merece máis comentario un encontro que os nósos agardan deixar no olvido cunha vitoria a vindeira fin de semana, antes de entrar nun calendario tolo onde alternarase xornada de encontros con xornada de descanso (polo San Xosé e Semana Santa).

X21 - MatizVigo FS Vs Vet. Ars Canis. Borrón e conta nova.

Moi bos días queridos lectores

Unha semana máis nestas liñas analizaremos o que vai ser a xornada número 21 para o Matiz Vigo FS, que esta 15 de marzo recibe ó Vet. Ars Canis tras caer a semana pasada ante o penúltimo clasificado, o Librería Hollandia, por 1-2, nun partido feo, cun rival que foi quen de sacar ós nosos do xogo.

Esta semana o Matiz Vigo se enfrontará a outro equipo da zona baixa da táboa clasificatoria, o Veterinaria Ars Canis. A escadra veterinaria se atopa na décimocuarta posición, tras empatar a semana pasada contra o Bar Secundino (actual penúltimo clasificado trala vitoria do Librería Hollandia a pasada xornada) por 1-1. O equipo visitante conta con 4 vitorias, 1 empate e 15 derrotas, con 33 goles a favor (o segundo equipo menos goleador tralo Bar Secundino) e 53 na contra. Pola súa banda o Matiz Vigo chega en plena caída clasificatoria con 10 partidos gañados, 4 empatados e 6 perdido. Actualmente se atopa na quinta posición, empatados a puntos co cuarto clasificado, o Explovi que ten un partido menos, e cun punto máis que o Cafetería Danais e o Avispas de la Arena que tamén teñen un partido menos. Polo tanto importantísimo encontro para os nosos que teñen o descenso a 4 puntos tralo mal comezo da segunda volta (onde conta con 1 vitoria, por 1-11 ante o Catacroker, 1 empate e 3 derrotas).

Na ida o Matiz Vigo foi quen de superar ó Vet Ars Canis por 1-4, seguindo coa xeira de vitorias que o equipo da Oliveira de Vigo ten cos veterinarios, xa que nos tres enfrontamentos que se deron ata o momento entre estes dous equipos os maticistas sempre saíron vencedores, cun parcial de 12 goles a favor e 4 goles na contra.

Para intentar reverter esta situación o Matiz Vigo debe volver a súa esencia de xogo, garantindo unha seriedade defensiva que a semana pasada non se plasmou sobre o terreo de xogo, onde a veteranía e as prácticas pouco ortodoxas do rival foron quen de sacar ós nosos mentalmente do partido e non ser quen de demostrar a superioridade clasificatoria sobre o terreo de xogo.

Para lograr reverter esta situación e volver ser o equipo sólido e efectivo de principio de liga o Matiz contará cunha convocatoria máis xusta que nas últimas xornadas. Jorge ocupará a súa posición baixo os paus e terá que intentar recuperar a regularidade perdida nos últimos partido onde encaixou goles que eran evitables, Xmon e Vare terán que darlle a solidez defensiva que sempre foi característica do Matiz Vigo e Emi e Pani loitarán por ser o máis efectivos posibles e ademais axudar nas labores de contención. Por último Davo debe ser ese pulmón do equipo que pode render a un gran nivel en calquera parte do campo. Yago é posible que acuda o Pavillón de Candeán para probar o estado do seu nocello, que xa lle impediu xogar a semana pasada. De tódolos modos non se agarda que poida xogar de xeito regular neste partido. Serán baixa Chap, Pablo e Quique. 

Polo tanto moi importante que os xogadores sexan conscientes da importancia do partido, xa que unha derrota lle condenaría a ter que loitar por salvar a categoría no que resta de campionato, porén unha vitoria lle permitiría manterse preto desa terceira praza que se as circunstancias acompañan poderían dar dereito ó ascenso de cara a máxima categoría. E é que o deseño desta segunda división non deixa marxe para a tranquilidade, descenso e ascenso están moi preto un de outro, e os pequenos detalles e un par de partidos poden poñer a diferenza entre militar o ano que ven na primeira ou na terceira clasificación.

O partido se disputará a unha hora inmellorable, ás 19:00 h, nun precioso e moderno pavillón como é o de Candeán. Non se perdan a oportunidade de sacarse o mal sabor de boca que deixou onte o Celta no seu partido de liga, e veñan a animar ós nosos que nestes momentos o necesitan máis que nunca. Xa o saben, Imos que nos Imos, Imos Matiz Vigo!.

X20. Matiz Vigo FS - Librería Hollandia. En busca da Regularidade.

Moi bos días queridos lectores. Nos atopamos unha semana máis nestas liñas para analizar o que vai ser o partido do Matiz Vigo FS, na xornada número 20 da temporada 2014/15 de Vigo en Xogo.

O Matiz Vigo intentará sobrepoñerse da derrota ante o Explanada FS obtendo un resultado positivo ante o Librería Hollandia. O Matiz Vigo debe intentar recuperar a regularidade perdida, e comezar unha xeira de resultados positivos continuados. Pero antes de analizar ó noso equipo coma sempre comezamos co rival.

O Librería Hollandia se atopa na penúltima posición da táboa clasificatoria, conta con 4 vitorias a favor, ningún empate e 15 derrotas, 38 goles a favor e 85 na contra. O Matiz pola súa banda chega a este partido con 10 vitorias, 4 empates e 5 derrotas 58 goles a favor e 46 na contra. Na ida o Matiz Vigo foi quen de superar a escadra Hollandista por 1-7, porén estes números non deben levar a engano ó equipo Maticista, xa que das 4 vitorias que o Librería Hollandia ten no seu casilleiro 2 se produciron nas dúas últimas xornadas, tras superar 3-1 ó Explanada (equipo que a pasada semana superou ó Matiz) e 4-2 ó Vet. Ars Canis, polo que non se pode descartar que nesta segunda volta o equipo libreiro se fixera con algún reforzo invernal.

Polo tanto máxima concentración a que debe ter o Matiz se quere sacar adiante estes 3 puntos e manter a tiro dun partido ó terceiro clasificado, que agora mesmo é o Camping Cangas. Para iso o equipo da Oliveira de Vigo deberá volver atopar a súa mellor versión e obter deste xeito 3 puntos que lle sirvan ademais para aumentar a distancia cos postos de descenso, que nestes intres están 7 puntos.

Para acadar este obxectivo o Matiz Vigo terá unha baixa de relevancia, como é a de Yago na dianteira, que no partido contra o Explanada se fixo unha escordadura de nocello que lle está dando máis problemas dos inicialmente previstos. Esta importante baixa do home referencia dos postos ofensivos, será cuberta por Pablo que nesta xornada chega dende terras madrileñas para axudar ó equipo a recuperar a senda das vitorias. Pablo xa xogou un partido esta temporada coa camiseta Maticista, obtendo o equipo negribranquivermello unha axustada vitoria no pavillón do Berbés. Agardemos que esta xornada Pablo poida traer para os nosos a mesma sorte.

O resto da convocatoria será a seguinte, Jorge baixo os paus, Vare, Chap, Xmon  para os postos defensivos, Emi, Pani e Pablo para os ofensivos e Davo como ese valioso comodín que pode xogar en calquera dos postos do terreo de xogo. 

O partido será ás 16:30 horas no pavillón de Bembrive, unha perfecta hora para gozar dunha boa sobremesa neste primaveral día de marzo, e quecer motores para o partido que o Celta xogará en Vilarreal ás 19:00

Amigos xa o saben, o equipo necesita o seu apoio nas gradarías, Imos que nos Imos! Imos Matiz Vigo FS!!

“Tropezo nun igualado choque” Explanada 2-1 MatizVigoFs

 

O Matiz segue instalado nunha montaña rusa de resultados que dura xa 6 xornadas, nas que alterna  magníficos resultados con derrotas inagardadas na semana seguinte. Neste inicio de segunda volta, o equipo suma só 4 puntos en 4 encontros (polos 9 puntos que sumou na primeira volta), o que faille perder a súa tranquila estancia na terceira praza da táboa clasificatoria, que agora desputan xa 4 equipos máis (ao remate da xornada ese terceiro caixón do podio é para CampingCangas). De momento a marxe coa 8ª posición que marca o descenso segue a ser considerable, pero os nósos non deben despistarse.

Mais, tras ese primer parágrafo algo pesimista, debemos resaltar que a diferenza de derrotas pasadas, no encontro de onte o Matiz non deu unha mala imaxe. Competíu ben, e semellaba ter controlado o encontro, pero desperdiciou boas oportunidades para abrir distancias no marcador, e cun electrónico tan axustado, calqueira cousa pode pasar, e así en dúas ocasións aproveitadas polo rival, os tres puntos voaron.
Ademáis, debemos resaltar tamén que o Explanada, a pesares de ocupar a 10ª posición, foi un moi difícil rival, que puxo moitísima intensidade ao xogo dende o primeiro ao último minuto, propoñendo un encontro sen pausa e impedindo xogar ao Matiz co ritmo que lle beneficia.

Así pois, esta 19ª xornada ligueira, desputouse no pavillón do Berbés, baixo a arbitraxe de Méndez. Como diciamos, dende o pitido inicial o Explanada impuxo unha continua presión a todo o campo que incomodou moito ao Matiz.
Aínda así, os nósos fixeron unha correcta lectura do encontro. Sabían que debían sufrir, pero non perder as formas e agardar as súas oportunidades.
Así chegaría o 0-1, tirando de estratexia nun saque dende o curruncho, Pani facía un bo bloqueo para que Vare sacase o esférico e Emi golpease a pracer dende a frontal da área. Gran disparo e gol.
Desperdiciaron os nósos boas ocasións no resto da primeira metade para rachar o encontro. Varias delas a balón parado, en faltas nas que deberían ter levado moito máis perigo.

O encontro ralentizouse nos intres finais da primeira metade e no inicio da segunda, con 3 homes mancados. Dous por parte do Explanada e Yago por parte do Matiz, que marchaba cunha escordadura tras realizar unha incrible acción individual que a piques estivo de rematar en gol.
Chegou entón o empate, nunha acción na que un atacante rival sacaba un potente disparo dende banda esquerda, que Jorge rexeitaba, pero dito rexeite collía a contra pé a Xmon e caía de novo ao dianteiro rival para que fusilase novamente atopando desta vez as maias da porta maticista. 1-1.
E pouco despois chegaba o 2-1. Nunha xogada na que un xogador do Explanada molestaba o suficiente ao nóso cancerbeiro para impedirlle tapar o primeiro pau da súa porta pola que se coaba un disparo dende banda. A infracción non foi detectada polo colexiado e o gol subíu ao electrónico.

Non baixou os brazos o Matiz e dispuxo de oportunidades para empatar de novo o choque. A máis clara nunha fermosa xogada de todo o equipo, que moveu o balón ata atopar o bo desmarque de Xmon en boca de gol, a quen lle marchaba o disparo por pouco, cando todos cantaban xa o empate.

Non puido ser, os tres puntos voaron e toca xa pensar xa nos vindeiros enfrontamentos, onde as vitorias serán moi necesarias. O vindeiro envite será ante LibreríaHollandia, un equipo que a pesares de estar nos últimos postos da clasificación, chega nunha boa xeira de resultados. Para ese partido e se horario o permite, Pablo S. será a gran novidade na convocatoria, na que Yago é dúbida pola súa escordadura. Xaime dará todos os detalles. Reciban un cordial saúdo.