Tras un longo período estival, comeza un novo proxecto Dcmista, baseado na tradición e na confianza; na continuidade dun proxecto iniciado fai xa cinco anos e tan só retocado trala primeira tempada coa fichaxe de Yago.
O verán deu moito que falar, e xurdíu un debate ata o de agora desaparecido no seo do equipo. ¿Necesita o equipo un novo fichaxe? ¿Quédase curto o actual plantel? ¿O equipo non pode aspirar a nada máis sen incorporacións de calidade?
Houbo opinións para tódolos gustos, partidarios dunha nova incorporación pero tamén detractores da mesma, e ante un tema de tal importancia, os Estatutos do clube establecen o requisito dunha maioría absoluta dos votos para tal modificación, ou alomenos a maioría simple e abstencións do resto dos membros.
Como non acabou de consolidarse un acordo maioritario, semella que salvo sorpresón de última hora, serán os mesmos nove os que defendan a zamarra dcmista; Jorge en portería // na defensa Pali, Vare, Xmon e Chape // e en posicións ofensivas Pani, Emi, Yago e Quique.
O debate xurdíu por varios motivos. O principal foi a oportunidade de ouro que presentaba o mercado trala total renovación no seno do Galecoi, que deixaba libre a un dos mellores xogadores da Vigo en Xogo, Javi, un xogador que ademáis deixouse querer polo DCM.
De que se trataba dunha grandísima oportunidade, non o dubidaba ninguén, todos sabían da súa calidade, do seu compromiso e da súa polivalencia, polo tanto a inxecciónde calidade ó plantel estaba clara.
Pero pola contra, unha nova incorporación supón un troco por parte de todo o equipo. A necesidade de atoparlle un oco nun equipo onde tódalas posicións teñen dono, a máis que probable necesidade de cambiar a táctica a un equipo que xoga de memoria dende fai 5 tempadas e sobretodo a posibilidade de que a convocatoria de 10 xogadores para cada partido levase a unha reducción de minutos de xogo para cada membro do equipo que podería levar á desmotivación, a sentirse pouco importantes e a falta de implicación dalgúns xogadores, acabaron por non concretar a fichaxe.
Outro dos motivos froito do debate é o estado de saúde de VanDerChap, un xogador que mantense entre algodóns e que sufre moitos problemas nas costas. Estes problemas xa lle fixeron perderse moitos minutos a tempada pasada pero o xogador sacrificouse sempre que o equipo o necesitou e cumpríu o seu papel, algo que cun chisco de fortuna tamén poderá facer esta tempada.
Ademáis Xmon adquiríu un compromiso coa Presidencia do clube, de que asistirá a máis encontros esta tempada, co que se agarda que chegue a duplicar as súas asistencias, chegando a cifras cercanas ó 50% das xornadas.
Polo tanto entre Xmon e Chapela, semella asegurada a presenza dun tercer defensa en tódalas xornadas, ademáis dos habituais Vare e Pali que a non ser causa excepcional e de forza maior, apenas perdéronse partidos nestes 5 anos.
E nas posicións ofensivas, Yago seguirá con ocupacións que lle impidan acudir a un 25% dos partidos, pero Emi, Quique e Pani asegurarán case sempre a presenza de tres homes de ataque.
O debate semella quedar zanxado polo momento, pero non se descarta que volva a xurdir no mercado invernal e tamén a final de tempada.
As sensacións e os resultados serán os que digan se a decisión foi acertada ou equivocada.
Outras novidades do clube nestes meses trala consecución do trofeo de campións da deportividade da 2ªB e do trofeo de campión de campións da deportividade, foi a elección dun novo presidente tralo mandato do Sr. Chapela. O elixido foi o Sr. Rodríguez nunha reñida votación. Inicia así un novo mandato un home con moita experiencia na Presidencia do clube, agardemos que colleite moitos éxitos.
Trala súa elección conseguíu a renovación do groso do plantel (e mantén negociacións co cancerbeiro, Quique e Pani). Tamén asegurou a continuidade por unha tempada máis do adestrador aínda que todavía non rubricouse o contrato a espera da inscrición do equipo na competición
Unha inscrición que prevese para os vindeiros días, unha vez que o Director Xeral, o Sr. González finalice a súa búsqueda de patrocinio con ou sen éxito.
A partires do día 16 ademáis, o equipo regresa ós adestramentos nas instalacións de Valadares compartidas co renovado e poderoso Galecoi Motorclub que agardemos incremente a esixencia de cada adestramento para os nósos.
E retomaranse tamén os encontros de pretempada tralos bolos disputados ante o propio Galecoi Motorclub (en dúas ocasións) e ante o Pachín FS que pecháronse con dúas victorias e un empate.
Iso é todo polo de agora. Pronto máis información. Non perdan de vista
http://www.dcmvigo.blogspot.com/ 
Estes son os partidos seleccionados para a Primeira xornada de VAI-Á Porra 2010/2011
O DCM vai repetir o debut da pasada temporada, xa que volverá a debutar contra o Parquets Eloy, equipo que ós DCM'istas se lle da realmente mal, xa que non foi quen de gañarlle en ningún dos 3 partidos que disputou contra el (2 de liga e un de torneo de campións). Pero xa haberá tempo para analizar o encontro na previa do partido.
A semana pasada foi moi intensa na sede do DCM, a proximidade da temporada fixo que a sede do club vigués estivera chea de actividade para pechar os derradeiros "flecos" antes de comezar esta ilusionante campaña.
Coa nova temporada o equipo que dirixe o blog deste equipo, fixo unhas pequenas reformas no mesmo para tratar de seguir sendo un blog onde se xunten tódolos seareiros que teñan interese pola segunda división grupo "B" en particular e por Vigo En Xogo en xeral. Para acadar este obxectivo modernizouse o aspecto da páxina web, grazas as novas ferramentas que facilita bloguer.
